"Azamattarǵa arnalǵan úkimet" Astanada sheteldik kólikterdi kóleńkeli zańdastyrý boiynsha uiymdasqan qylmystyq toptyń ustalýyna qatysty pikir bildirdi, - dep habarlaidy Tengrinews.kz agenttigi vedomstvonyń baspasóz qyzmetine silteme jasap.
Memlekettik korporatsiianyń Astana qalasyndaǵy filialynyń direktory Mádi Sadanovtyń aitýynsha, mamandandyrylǵan halyqqa qyzmet kórsetý bólimderiniń qyzmetkerleri azamattardyń ótinishterin qabyldap, biryńǵai tirkeý tártibine sáikes memlekettik organǵa joldaidy. Odan keiin elektrondyq ótinishterdi qaraý Politsiia departamentiniń protsessingtik ortalyǵynyń quzyretine ótedi. Atalǵan ortalyqtyń ýákiletti mamandary kóliktiń iesi men kólik quralynyń zańdastyrylǵan qujattarynyń izdestirilýde (shekteýler, aýyrtpalyqtar) bar-joǵyn, elektrondy ótinish pen skanerlengen qujattardy salystyrý arqyly olardyń durystyǵyn tekseredi.
"Berilgen ótinishti maquldaý nemese memlekettik qyzmetti kórsetýden bas tartý týraly sheshim qabyldaityn «WEB-modýl» servistik ortalyǵy da Politsiia departamentine tiesili. Memlekettik korporatsiia qyzmetkerleri qujattardyń tolyq paketin qabyldaýǵa ǵana jaýapty jáne qujattardyń túpnusqalyǵyn anyqtaý boiynsha quqyqtyq taldaý júrgizbeidi", - dedi Sadanov.
