Tanymal «KVN» oiynshysy, reseilik Azamat Musaǵaliev TNT arnasynda kórsetilgen qazaq tiline qatysty ázildi túsirý kezinde esh kemsitý nieti bolmaǵandyǵyn habarlady. Bul týraly ol Instagramdaǵy jeke paraqshasynda jazdy.
«Qurmetti dostar! Baýyrlar! Qazaq aǵaiyndar! Bul ázildi túsirgende qazaq tilin kemsitý nemese mazaq etý oida da bolmaǵan. Ázil keibir qazaq tilin túsinbeitin qazaqtar jaiynda edi. Al ondailar, ókinishke qarai bar. Iaǵni, sol personajdyń rólin somdadym. Sizder meni túsinedi degen nietpen jazyp otyrǵan jaiym bul. Shyn mánisinde maǵan báribir bolsa, mán bermei, barlyǵyn óshirip tastap júre beretin edim. Sondyqtan, túsinistikpen qaraýlaryńyzdy suraimyn! Izgi nietpen, Reseide júrse de, júregi qazaq dep soǵatyn Azamat Musaǵaliev!» - dep jazylǵan habarlamada.
Eske salaiyq, Azamat Musaǵaliev taǵy bir qazaq ázilkeshi Nurlan Sabýrovpen birge shaǵyn rolik túsirgen edi. Olardyń bul ázilin qazaqstandyqtar synǵa alyp, áleýmettik jelilerde renishterin bildirgen bolatyn.
