Telearnalardyń sheteldik reitingtik kompaniialar jasaityn jalǵan aqparat jeteginde júrgenderine tańym bar. Baiqasańyzdar, jatjurttyq kompaniialar maqsatty túrde adamdy azǵyndyq, jeńiljúris, taiaz oiǵa tárbeleitin telejobalardyń reitingisin joǵary etip kórsetedi. Kerisinshe, qazaqtyń qazaq bolýyna septigin tigizetin rýhani-mádeni baǵdarlamalardyń reitingisi óte tómen. Tipti joqtyń-qasy. Olai bolýy múmkin emes. Qazir arzan mýzyka, oisyz shoýlardan kórermen sharshaǵan. Bir sát poeziiadan sýsyndap, halyq ánderin tyńdaǵysy keledi. Kei arnalardan poeziia týraly jobalardyń shyqpai jatyp, joiylyp ketýi sózimizge dálel. Ol - bir!
Ekinshiden, sol reitingti qalyptastyrýǵa qatysatyn adamdar týraly telearnalar aqparat aldy ma eken? Jobaǵa qatysýshylardyń 95 paiyzy qazaq tilin túsinbeitin adamdar ne "asfaltta ósken qazaq" bolýy, tipti múldem qazaq bolmaýy bek múmkin.
Úshinshiden, reiting jasaýǵa qatysatyn aýyl turǵyndarynyń úlesi men quramy qandai?
Tórtinshiden, nege telearnalar sheteldik kompaniia deregine súienedi? Nege qazaqstandyq kompaniia jasamaidy ol reitingti?
Ol az degendei, reiting týraly aqparat bergeni úshin BAQ qyrýar qarajat jumsaidy. Al shyn máninde ol kompaniialar telearnalar bergen qarajatqa muqtaj emes. Sebebi, olar maqsatty túrde ultty, memleketti azyp-tozdyrýǵa qyzmet etedi. Bul ǵalamdyq deńgeide jasalǵan joba. Al ondai jobalardyń artynda kimder turǵany aitpasa túsinikti.
P.S. Elektrondy BAQ reitingke ne úshin súienedi? Sebebi, jarnamaberýshiler jarnamany qai arnaǵa, qai baǵdarlamaǵa berý kerektigin sol reiting deńgeiine qarap tańdaidy. Áńgimeniń ashyǵyn aitsaq, memlekettik telearnalar maqsaty men mindeti belgisiz reit.kompaniialardyń aqparatyna múldem súienbeýleri tiis. Óitkeni, meml.arnalar onsyz da memleketten qarjylandyrylady. Ekinshiden, meml.telearnalar básekeden tys. Jarnamaberýshi ol reiting aqparatynsyz-aq meml.telearna efirine zárý.
