QR Úkimetiniń qaýlysymen Azamat Batyrqoja QR tsifrlyq damý, innovatsiialar jáne aeroǵarysh ónerkásibi vitse-ministri qyzmetinen bosatyldy, dep habarlaidy "Ult aqparat" QR Premer-ministriniń baspasóz qyzmetine silteme jasap.
Azamat Baiqýanyshuly Batyrqoja 1972 jyly Soltústik Qazaqstan oblysynda dúniege kelgen.
F. Dzerjinskii atyndaǵy áskeri akademiiany jáne «Turan-Astana» ýniversitetin támamdaǵan.
Eńbek jolyn 1995 jyly jeke kompaniiadaǵy qaýipsizdik bóliminiń arnaiy tehnigi bolyp bastaǵan.
1997-1999 jj. QR Kólik jáne kommýnikatsiialar ministrliginde jumys istedi.
Túrli jyldary jeke kompaniialarda jáne kvazimemlekettik sektorda jumys istedi, QR indýstriia jáne jańa tehnologiialar ministrliginde túrli laýazymdar atqardy.
2019 jyldyń jeltoqsan aiynan bastap qazirge deiin Tsifrlyq damý, innovatsiialar jáne aeroǵarysh ónerkásibi vitse-ministri qyzmetin atqardy.
