Qazaqstan Respýblikasy Memlekettik qyzmet isteri agenttiginiń Aqmola oblysy boiynsha Ádep jónindegi keńesi kezekti otyrysy ótti. Onda Ereimentaý aýdanynyń ákimi Abai Áljanovqa qatysty tártiptik is qaraldy, dep habarlaidy "Ult aqparat" vedomstonyń baspasóz qyzmetine silteme jasap.
Keńeste aitylǵandai, 2019 jylǵy 28 jeltoqsan Jalpyulttyq aza tutý kúni Ereimentaý aýdanynyń kásiporyndary men uiymdary jańa jyldyq kesh ótkizgen. Keshke Ereimentaý aýdany ákimi Abai Áljanov qatysqan.
Ákimniń Ádep kodeksi talaptaryn osylaisha buzylýy qoǵam tarapynan synǵa ushyrady.
QR Memlekettik qyzmet isteri agenttiginiń Aqmola oblysy boiynsha departamentiniń ókilderimen atalǵan fakti boiynsha qyzmettik tekserý júrgizilildi.
Oqiǵany tergeý barysynda ákimdiktiń jáne aýdannyń basqa da jergilikti atqarýshy organdarynyń laýazymdy tulǵalary, aýdan uiymdarynyń qyzmetkerleri suralyp, istiń mán-jaiyna qatysty materialdar tekserildi.
«Ádep jónindegi keńes tártiptik isti qaraý qorytyndysy boiynsha qyzmettik tergeý materialdaryn zerdelep, Aqmola oblysynyń ákimine A. E. Áljanovqa «qyzmetine tolyq sáikes emestigi týraly eskertý» túrindegi tártiptik jaza qoldanýdy usyndy», - dedi Agenttiktiń Aqmola oblysy boiynsha departamenti baspasóz hatshysy Jazira Toqtar.
Eske salsaq, QR Prezidenti Qasym-Jomart Toqaevtyń Jarlyǵymen 2019 jyldyń 28 jeltoqsanyn jalpyulttyq aza tutý kúni dep jariialanǵan edi.
