QR Bas memlekettik sanitariialyq dárigeri Qazaqstan Respýblikasynda koronavirýs infektsiiasynyń aldyn alý sharalary týraly qaýlyǵa qol qoidy, dep habarlaidy QazAqparat.
Qujatqa sáikes:
- barlyq densaýlyq saqtaý uiymdarynda COVID-19 klinikalyq belgileri bar patsient anyqtalǵan jaǵdaida ony oqshaýlaý úshin kórsetiletin meditsinalyq kómektiń ereksheligin eskere otyryp, úi-jailar bólinedi;
- barlyq meditsinalyq uiymdarda qyzmetkerlerdiń, kelýshilerdiń, patsientterdiń maska kiip júrýi talap etiledi;
- barlyq bosandyrý jáne balalar meditsinalyq uiymdarynda JRVI, tumaý, koronavirýs infektsiiasy belgileri bar júkti áielder, bosanatyn, bosanǵan áielder jáne balalar jatqyzylatyn mamandandyrylǵan bólimshe uiymdastyrylady;
- bosandyrý jáne balalar meditsinalyq uiymdaryna COVID-19 klinikalyq belgileri bar júkti áielder, balalar shuǵyl júgingen kezde meditsina qyzmetkerleriniń, basqa júkti áielder men balalardyń qaýipsizdigin qamtamasyz etý úshin beiindi mamandardyń meditsinalyq kómek kórsetýi úshin olar mamandandyrylǵan bólimshelerge jatqyzylady;
- COVID-19-ǵa zerthanalyq tekserý júrgiziledi;
- infektsiialyq jáne basqa da meditsinalyq uiymdarda epidemiiaǵa qarsy talaptardyń saqtalýy mindetti;
- qyzmetteri COVID-19-ǵa kúdikti naýqastardy qarap-tekserýmen, tasymaldaýmen, oshaqtaǵy jumyspen, emdeýge jatqyzýmen, emdeýmen jáne olardy kútýmen bailanysty meditsina qyzmetkerleri men personaldyń tiisti jeke qorǵanysh quraldaryn paidalanýyna baqylaý júrgiziledi;
- densaýlyq saqtaý uiymdary úshin SOVID-19 epidemiologiiasy, klinikalyq kórinisteri, diagnostikasy, epidemiologiialyq jáne biologiialyq qaýipsizdik qaǵidalary, standartty operatsiialyq rásimderdi (SOR) oryndaý jóninde seminarlar uiymdastyrylyp, ótkiziledi;
- COVID-19 kezinde epidemiiaǵa qarsy is-sharalardy júrgizý boiynsha óńirdiń meditsinalyq uiymdarynyń barlyq qyzmetkerlerin tolyq qamti otyryp, jeke qorǵanysh quraldaryn paidalaný jóninde nusqama júrgiziledi.
Sondai-aq ár azamat úide meditsinalyq baqylaý júrgizýdi jáne úi karantini talaptarynyń saqtalýyna mán berýi qajet.
