Qazaqstanda qolma-qol shetel valiýtasyn aiyrbastaý operatsiialaryn júzege asyrý Erejelerine engizilgen ózgertýlerge sáikes, banktik emes aiyrbastaý pýnktteri 2017 jylǵa deiin Qazaqstan Ulttyq Banki shyǵarǵan tazartylǵan altyn quimalardy halyqtan satyp alý quqyǵyna ie boldy, dep habarlaidy QR Ulttyq bankiniń baspasóz qyzmeti.
Jańa normalar 2021 jyly 2 maýsymda kúshine endi. Buǵan deiin banktik emes aiyrbastaý pýnktteri tek 2017 jyly jáne odan keiin shyǵarylǵan altyn quimalardy halyqtan satyp alyp, satyp kelgen bolatyn.
Altyn quimalar senimdi investitsiialyq qural bola alady. Bankter men banktik emes aiyrbastaý pýnktterine quimalardy halyqtyń qaita tapsyra alý múmkindigi – altyn quimalar naryǵynyń ótimdiligin qamtamasyz etetin negizgi faktor.
Ulttyq Bank tazartylǵan altyn quimalardy halyqqa satý jáne satyp alý baǵdarlamasyn 2017 jyly qolǵa alǵan bolatyn. Baǵdarlama iske qosylǵaly jalpy salmaǵy 1,88 tonna 52 967 altyn quima satylyp, jalpy salmaǵy 4,2 keli 147 quima qaita tapsyryldy.
