Respýblikalyq aqyndar aitysynyń birneshe dúrkin júldegeri, Almaty oblysynyń qurmetti azamaty Hansha Raisova dúnieden ótti, dep habarlaidy "Ult aqparat".
Halyqaralyq IýNESKO syilyǵynyń laýreaty, aqyndar mektebiniń ustazy Hansha Musabaiqyzy 1956 jyly 5 qazanda Almaty oblysy Qapal aýdany Qońyr aýylynda dúniege kelgen.
1989 jyldan bastap ártúrli deńgeidegi jyr saiystaryna qatysa bastady.
«Qazaq tili» qoǵamy uiymdastyrǵan respýblikalyq aitysta bas júlde (1990), Abaidyń 150 jyldyǵyna arnalǵan halyqaralyq aitysta III oryn (1995) ielengen.
QHR-da, Reseide, Ózbekstanda, sondai aq oblys aýqymynda ótken aitystarda birneshe ret arnaýly júldege ie boldy.
Eske sala keteiik, Hansha Raisovanyń 1995 jylǵy Qytaiǵa barǵan sapary ónerdegi juldyzdy sátteriniń biri boldy.
Aqyn sol óner saparynda Qytaidyń Qulja qalasynda Qytai qazaqtarynyń arasynan shyqqan tanymal aitysker aqyn Qurmanbek Zeitinǵazyulymen sahnada kezdesip, óner salystyryp, sóz synasady.
Bul aitys sol jaqtaǵy qandastarymyzdyń ortasynda «Qurmanbek pen Hanshanyń» aitysy atalyp, erekshe ásermen el esinde qaldy.
