Prezidenttiń baspasóz hatshysy Berik Ýáli Memleket basshysynyń Qazaqstan halqyna Joldaýynda aitylǵan taǵy bir mindettiń oryndalǵany týraly jelidegi paraqshasynda jazdy, dep habarlaidy "Ult aqparat".
Berik Ýáli Prezident Qasym-Jomart Toqaevtyń Joldaýynan úzindi keltirip, sol mindettiń búginde iske asqanyn dáleldeitin aqparat jariialady.
«Dáriger mamandyǵyn materialdyq turǵydan da nyǵaita túsý mańyzdy bolyp otyr. Muny biz qazirgi daǵdarys kezinde qolǵa alyp jatyrmyz, endi ony júieli túrde júzege asrýymyz kerek. 2023 jylǵa qarai dárigerlerdiń jalaqysy ekonomikadaǵy ortasha jalaqydan eki ese artyq bolady», - degen bolatyn Prezident óz Joldaýynda.
Berik Ýáli jariialaǵan málimette 2021 jyldyń 1 qańtarynan bastap 247 myń meditsina qyzmetkeriniń jalaqysy óskenin aitylǵan. Naqtyraq aitqanda, dárigerlerdiń jalaqysy 246 myń teńgeden 320 myń teńgege, orta deńgeidegi qyzmetkerlerdiń jalaqysy 145 myń teńgeden 173 myń teńgege deiin ósken.
2021-2023 jyldary Preizent Joldaýyndaǵy tapsyrmany iske asyrý úshin biýdjetten 1 141,5 mlrd teńge bólý qarastyrylyp otyr.
