Foto: instagram/aitym
Qaitys bolǵan Saltanat Núkenlovanyń aǵasy Aitbek Amangeldi qazirgi ýaqytta álemniń túkpir-túkpirinde Saltanatty qoldap mitingiler ótip jatqanyna tańqalatynyn aityp, alǵys bildirdi dep habarlaidy "Ult Aqparat".
"Sózimdi aldymen aǵylshynsha aitaiyn, sosyn qazaq tilinde jalǵastyramyn" dep bastap, Aitbek Amangeldi instagramdaǵy tikelei efirde qazir Saltanattyń oqiǵasy bútkil álemdi dúr silkindirip, adamdardyń sanasyna qozǵaý salyp jatqanyn jetkizdi.
"Meniń sózim joq. Barshańyzǵa alǵysym sheksiz. Búgin Italiianyń úsh qalasynda miting ótti, Frantsiiada ótti, qazir Niý-Iorgte ótip jatyr. Endi Grýziiada ótedi. Barshańyzǵa rahmet! Saltanattyń oqiǵasy eldiń sanasyn ózgertip jatyr", -dedi Aitbek Amangeldi.
Eske sala keteiik, burynǵy Qarjy ministri Qýandyq Bishimbaev azamattyq áieli Saltanat Núkenovany asqan qatygezdikpen óltirdi dep aiyptalyp, ústinen sot júrip jatyr. Sot ashyq túrde onlain rejimde ótip jatqandyqtan sot protsesterin álemniń ár tarapynan milliondaǵan adam baqylap otyr.
