Qazaqstandyq rejisser, klipmeiker Aisultan Seiitovtiń debiýttik "Qash" filminiń tizeri jaryq kórdi, dep habarlaidy "Ult aqparat".
Videoǵa súiensek, kartina tarihi triller janrynda túsirilgen.
Filmde otarlaýdyń qiyn kezeńderi men ótken ǵasyrdyń 30-shy jyldaryndaǵy asharshylyq týraly baiandalady. Bas keiipker - Erkebulan Daiyrov somdaǵan Isatai esimdi qabir qazýshy. Búkil aýyldyń taǵdyry Isatai aldyndaǵy kúrdeli tańdaýǵa bailanysty bolady.
Kartinaǵa Ońdasyn Besikbasov, Iisbek Ábilmájinov, Tolǵanai Talǵat, sondai-aq Aleksandr Pal jáne Varvara Shmykovalar qatysqan. Qoiýshy-operator - Azamat Dýlatov.
"Filmdi túsirý barysynda biz kóptegen kedergilerge tap boldyq. Olar tek túsirý kezinde aiaqtala qoiǵan joq. "Eger bul komediia bolmasa, biz qazaqstandyq filmge senbeimiz" degen distribiýterlerdiń sózderin estýimizge týra keldi.
Biraq biz qazaqstandyq kino ár túrli bolýy múmkin ekendigine senemiz. Biz kino dami alady dep senemiz. Biz "QASh"-qa senemiz. Eń bastysy, biz kórermenge senemiz. ", - dep jazdy Aisultan Seiitov áleýmettik jelide.
