Jeksenbige qaraǵan túnde Angliianyń astanasy London qalasynda Aisultan Nazarbaev qaitys boldy, dep habarlaidy zakon.kz.
Elbasy jieniniń qaitys bolý sebebi anyqtalyp jatyr. Aisultan Nazarbaev 30 jasta edi. Aldyn ala boljam boiynsha júregi toqtap qalǵan.
Aita ketsek, Aisultan Nazarbaev – Dariǵa Nazarbaeva men Rahat Álievtiń ekinshi uly. Ony buqaralyq aqparat quraldary kóbinese "Prezidenttiń súiikti jieni" dep ataidy.
1990 jyly 26 tamyzda ómirge kelgen. Bala kezden fýtbolǵa qyzyǵady. 2006 jyly Qazaqstannyń jasóspirimder quramasynyń sapynda Eýropa chempinatynyń irikteý týrnirine qatysady. "Chelsi" jáne "Portsmýt" jastar komandalary men qazaqstandyq "Astana" komandasynda oinaǵan.
2013 jyly "QazRomGaz" AQ basshysy Qairat Boranbaevtyń qyzyna úilengen bolatyn. 2016 jyldyń jazynda eki jastyń otbasynda Ameli esimdi qyz dúniege keldi.
2019 jyldyń sáýir aiynda Aisultan Nazarbaev feisbýktegi jeke paraqshasynda aty-jónin Aisultan Rahat (Aisultan Rakhat) dep, al otbasylyq jaǵdaiyn "ajyrasqan" dep ózgertken.
Ondaǵy málimetke súiensek, tuńǵysh prezidenttiń jieni 2019 jyldyń 5 aqpanynda ajyrasqan.
