Aisamal Sansyzbaeva aýyr atletikadan onlain álem kýbogynyń jeńimpazy atandy, dep habarlaidy Olympic.kz saity.
Perýdiń Lima qalasynda Perý aýyr atletika federatsiiasynyń uiymdastyrýymen onlain álem kýbogy ótip jatyr.
Jarysta qyzdar arasynda 81 keliden joǵary salmaqta qazaqstandyq sportshy úzdik dep tanyldy.
Aisamal Sansyzbaeva qossaiys nátijesi boiynsha 244 kelini kóterip, Qazaqstan qorjynyna taǵy bir «altyn» saldy. Jastar arasynda alǵashqy jarysqa qatysqan taǵy bir qazaqstandyq Janáli Tuiaqov úshinshi oryndy jeńyp aldy. Ol uldar arasynda 102 keliden joǵary salmaq dárejesinde baq synap, qossaiys nátijesi boiynsha 319 (140+179) kelini kóterdi.
Osylaisha, Qazaqstan qorjyny taǵy bir altyn, bir qola júldemen tolyqty. Osyǵan deiin Abylai Áýelhanov pen Rahat Bekbolat altyn alsa, Gúlnur Ybyrai qola júldege qol jetkizgen bolatyn.
