ايسامال سانسىزباەۆا اۋىر اتلەتيكادان ونلاين ەلەم كۋبوگىنىڭ جەڭٸمپازى اتاندى, دەپ حابارلايدى Olympic.kz سايتى.
پەرۋدٸڭ ليما قالاسىندا پەرۋ اۋىر اتلەتيكا فەدەراتسيياسىنىڭ ۇيىمداستىرۋىمەن ونلاين ەلەم كۋبوگى ٶتٸپ جاتىر.
جارىستا قىزدار اراسىندا 81 كەلٸدەن جوعارى سالماقتا قازاقستاندىق سپورتشى ٷزدٸك دەپ تانىلدى.
ايسامال سانسىزباەۆا قوسسايىس نەتيجەسٸ بويىنشا 244 كەلٸنٸ كٶتەرٸپ, قازاقستان قورجىنىنا تاعى بٸر «التىن» سالدى. جاستار اراسىندا العاشقى جارىسقا قاتىسقان تاعى بٸر قازاقستاندىق جانەلي تۇياقوۆ ٷشٸنشٸ ورىندى جەڭىپ الدى. ول ۇلدار اراسىندا 102 كەلٸدەن جوعارى سالماق دەرەجەسٸندە باق سىناپ, قوسسايىس نەتيجەسٸ بويىنشا 319 (140+179) كەلٸنٸ كٶتەردٸ.
وسىلايشا, قازاقستان قورجىنى تاعى بٸر التىن, بٸر قولا جٷلدەمەن تولىقتى. وسىعان دەيٸن ابىلاي ەۋەلحانوۆ پەن راحات بەكبولات التىن السا, گٷلنۇر ىبىراي قولا جٷلدەگە قول جەتكٸزگەن بولاتىن.
