«Ainalym shemasy» arqyly ónim baǵasy birtindep tómendep keledi. Bul týraly QR Saýda jáne integratsiialar ministri Baqyt Sultanov aitty, dep habarlaidy QazAqparat.
«Búgingi tańda infliatsiia men importqa suranystyń artýyna bailanysty jańa jaǵdaida, pandemiialyq jáne geosaiasi shekteýler nátijesinde «Ainalym shemasy» óziniń tiimdiligin kórsetti. Tikelei óndirýshilerge ainalym jáne investitsiialyq qarjylandyrý memlekettiń biznesti qoldaý jónindegi birqatar baǵdarlamalarynda júzege asyrylady», - dedi ministr Úkimet úiinde ótken baspasóz máslihatynda.
Onyń aitýynsha, «ainalym shemasynyń» mindeti jergilikti atqarýshy organdar atynan áleýmettik kásipkerlik korporatsiia, áleýmettik mańyzy bar azyq-túlik taýarlaryn óndirýshiler men ónim berýshileriniń, saýda jelileriniń ónimdi jetkizý merzimderin, kólemderi men baǵalaryn tirkeitin ózara mindettemelerin bekitýden turady.
«Birneshe mysal keltireiin, máselen, Qaraǵandy oblysynda 2 709 tonna kartop jetkizýge bólshek saýdada belgilengen 85 teńge baǵasymen kelisimshart sáýir aiynda jasaldy, al kommertsiialyq baǵa sol ýaqytta 175 teńge edi. Nátijesinde oblysta kartop satýdyń eń tómengi baǵasy 135 teńgeni kórsetti. Qyryqqabat boiynsha da osyndai jumystar júrgizildi, Túrkistan oblysynan erte eginniń óńiraralyq aǵyndary jolǵa qoiyldy. Naryqty toltyrý qorytyndysy boiynsha kelisimshart jasalǵan ónimmen baǵanyń eń joǵary ósimin 273 teńgeden 124 teńgege deiin tómendetý múmkin boldy», - dedi Sultanov.
Atalǵan jumys barlyq óńirler boiynsha júrgizilgen, osyǵan bailanysty qazir ónim baǵasynyń birtindep tómendeýi baiqalyp otyr.
«Sonymen birge, bul mehanizmdi Prezident synǵa aldy, sebebi atalǵan mindetti iske asyrýdyń tiimdiligin arttyrý bóliginde pysyqtaý qajet etiledi. Apta saiynǵy tsifrlyq Úkimet keńsesinde jergilikti atqarýshy organdarmen selektorlyq keńes ótetin aqparattyq júie boiynsha pysyqtaý jumystary júrgizilýde. Naryq qatysýshylary belgileitin naqty baǵalar týraly halyq pen biznesti barynsha aqparattandyrý qamtamasyz etiledi, saýda jelileriniń, óndirýshiler men jetkizýshilerdiń tiimdiligin arttyrý kózdeledi. Ekinshi jaǵynan, jalpy taýar ainalymyndaǵy áleýmettik mańyzy bar ónimderdiń «ainalym shemasyn» qarjylandyrý kólemi 4%-ti ǵana quraidy. Sondyqtan ol naryqqa tolyq áser ete almaidy. Osyǵan bailanysty, qarajat qozǵalysy ashyqtyǵynyń jáne olardyń tiimdiliginiń artýyna bailanysty qarjylandyrý birtindep ulǵaiady», - dep túsindirdi Sultanov.
Aita keteiik, keshe Úkimettiń keńeitilgen otyrysynda Prezident Qasym-Jomart Toqaev kóterme-taratý ortalyqtary jelilerin iske qosý jumystary uzaqqa sozylyp ketkenin synaǵan edi.
