Qańtar oqiǵasyn tergeý jónindegi «Aqiqat» qoǵamdyq komissiiasynyń músheleri jappai tártipsizdikter kezinde jasalǵan jynystyq zorlyq-zombylyqtar týraly aityp berdi, dep habarlaidy QazAqparat.
Qoǵam belsendileriniń málimetinshe, tártipsizdikter kezinde sulýlyq salonynyń qyzmetkerleri zardap shekken. Áielderdi besinshi qańtar kúni jumystan úiine qaityp bara jatqan kezde zorlaǵan.
«5 qańtarda avtobýstar júrmedi, sulýlyq salonynyń qyzmetkerleri jumystan qaityp kele jatqanda olardy belgisiz bireýler zorlaǵan. Olar politsiiaǵa aryzdanǵan joq. Otbasylary, kúieýleri bolǵandyqtan jariia etkisi kelmegen», - dedi «Aqiqat» qoǵamdyq komissiiasynyń qańtar aiyndaǵy oqiǵalardy tergeý jónindegi jetekshisi Aiman Omarova.
Sonymen qatar, ol taǵy bir zorlaý oqiǵasy ákimdik ǵimaratynyń janynda bolǵanyn aitty.
Alaida jábirlenýshiler politsiiaǵa aryzdanbaǵan.
«Qoǵamdyq belsendiler men zańgerler zardap shekkenderdiń otbasylaryna kómektesýge tyrysýda. Olardyń barlyǵy derlik psihologtardyń qoldaýyna muqtaj», - dedi ol.
