Ustazdardyń kún-túni istep jatqan jumysyn syzyp tastaýǵa bolmaidy. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Búginde sabaq bolmai jatyr dep aitý durys emes. Óitkeni, bizdiń 500 myń áriptesimizdiń kún-túni istep jatqan jumysyn syzyp bastaýǵa bolmaidy. Óte úlken aýqymdy jumys jasap jatyr. Árine problemalar bar. Ony biz bilemiz. Olarǵa qatysty áriptesterimizden, ustazdarmen, mektep basshylarymen jumysty jasap jatyrmyz. Ári qarai da bul jumystardy jalǵastyramyz», - dedi ol Ortalyq kommýnikatsiialar qyzmetindegi baspasóz máslihatynda.
Ministr bilim berý platformalaryna DDoS-shabýyldardyń júrip jatqanyn jasyrmady.
«Pedagogtar jazǵy ýaqytta tiisti daiyndyq kýrstarynan ótti. Kýrstar barysynda gigiena, kiberqaýipsizdik máselelerine qatysty bilim berdik. IT-salasy boiynsha tiisti daǵdylaryn damytý boiynsha dárister ótkizdik. Áriptesterimiz ary qarai da daǵdylaryn damyta beredi», - dedi Ashat Aimaǵambetov.
