Ministr Ashat Aimaǵambetov Prezident taǵaiyndaýyna qatysty pikir bildirip, qazaqstandyq pedagogterge alǵys aitty, - dep habarlaidy "Ult aqparat".
"Memleket basshysy eki ministrlik, iaǵni Oqý-aǵartý ministrligi men Ǵylym jáne joǵary bilim ministrligin qurý týraly sheshim qabyldady. Bul sheshim bilim jáne ǵylym júiesin odan ári damytý úshin óte mańyzdy. Sonymen qatar Prezident Qasym-Jomart Kemeluly Toqaevtyń salany damytý boiynsha alǵa qoiǵan naqty mindetterine tiimdi oryndaýǵa múmkindik beredi.
Mektepke deiingi, orta, qosymsha, tehnikalyq jáne kásiptik bilim berý salasyndaǵy mindetter men syn-tegeýrinder aýqymy artyp keledi.
Joǵary bilim men ǵylym salasyna toqtala ketsek, qazirdiń ózinde qol jetkizilgen nátijeler kadrlar daiarlaý jáne ǵylymi óndiristi damytý úshin jańa, úlken maqsat-mindetter qoiýǵa septigin tigizedi. Sonymen qatar bul reforma osy baǵyttardyń damýyna tyń serpin beredi" - dep jazdy ol áleýmettik jelidegi paraqshasynda.
Onyń sózinshe, joǵary kórsetkishter eki ministrliktiń tyǵyz yntymaqtastyǵyna bailanysty bolady.
"Úsh jyldyń ishinde Bilim jáne ǵylym ministrligi ujymynyń bilim salasyn da, ǵylym salasyn da jetildirý maqsatynda atqarǵan jumysy az emes. Barlyq zań men oń ózgeris bilim men ǵylym salasyndaǵy ǵalymdardyń, pedagogterdiń, basqa da qyzmetkerlerdiń mártebesin kóterýge erekshe kóńil bólip otyrǵan Prezidenttiń jeke qoldaýynyń arqasynda qabyldandy.
Úsh jyl boiy Bilim jáne ǵylym ministri retinde atqarylǵan jumystar týraly esep bergen jón dep sanaimyn. Naqtyraq aitqanda, sybailas jemqorlyq táýekelderin joiý, ashyqtyq pen transparenttilikti qamtamasyz etý, bilim sapasy men ǵylymnyń áleýetin arttyrý baǵytynda qandai sheshimder qabyldandy, qandai derekter negizinde júrgizildi jáne jalpy qandai jumystar atqarylǵany týraly esep bergen mańyzdy.
Birinshi kezekte Memleket basshysyna senim bildirip, Bilim jáne ǵylym ministri kezimde qoldaý kórsetkeni úshin alǵysymdy bildirgim keledi. Sondai-aq bilim jáne ǵylym salasynyń qyzmetkerlerine, ministrliktiń, vedomstvolyq baǵynystaǵy uiymdardyń jáne ǵylymi uiymdardyń qyzmetkerlerine, JOO-nyń professorlyq-oqytýshylyq quramdaryna, oblystardyń departamentterine, bilim basqarmalaryna alǵys aitamyn. Elimizdiń pedagogterine qoldaý kórsetip, birlesip atqarǵan jumysy úshin alǵysym sheksiz.
Alda Jańa Qazaqstannyń damýy jolynda jańa mindetter men maqsattar tur" - dep túiindedi Aimaǵambetov.
