Qazaqstanda pedagog daiarlaýmen 20-30 joǵary oqý orny ainalysady. Bul týraly QR Paramenti Senatynda ótken dóńgelek ústel otyrysynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Mańyzdy máselelerdiń biri kadrlardy sapaly qaita daiarlaýmen qamtamasyz etýge bailanysty. Bul jaǵdai jalpy kardardy daiarlaýǵa da qatysty. Ókinishke qarai, búginde 50 ball kólemindegi shekti deńgei jetkiliksiz, iaǵni tym tómen siiaqty. Sondyqtan biyl pedagogikalyq mamandyqtarǵa túsý úshin 50-den 60 ball deńgeiine deiin kóterý sheshimin qabyldadyq. Búginde bizde 85 joǵary oqý orny pedagog daiarlaýmen ainalysyp keledi jáne biz osy JOO-larǵa talaptardy kúsheitý boiynsha sharalardy qabyldaýdamyz», - dep toqtaldy ministr.
Osy oraida pedagog daiarlaýda oqý oryndarynyń sapasyna airyqsha ekpin qoiylatynyn atap ótti.
«Sáikesinshe, litsenziialardy qaitarý boiynsha jumystardy júrgizemiz. Taldaý jumystary aiasynda naqty pedagogtar daiarlaityn 20-30 JOO qalýy múmkin. Bizge sany emes, sapasy kerek. Keibireýleri zańgerlerdi oqytyp júrgen ýniversitetter nemese basqa da mamandyqtardy daiyndap jatqan oqý oryndary. Olardyń barlyǵy pedagog daiarlaýǵa kirisip ketken. Árine, biz osy jaǵdaidy ózgertetin bolamyz», - dedi A. Aimaǵambetov.
