QR Bilim jáne ministrliginde mektep oqýlyqtarynyń sapasy men mazmuny máselelerine arnalǵan onlain jiyn ótip jatyr, dep habarlaidy "Ult aqparat".
«Biz oqýlyqtarǵa qatysty problemalardy bilip, sony sheshýimiz kerek. Búginde mektep oqýlyqtarynyń mazmunyna, oqý baǵdarlamasyna jáne kitaptyń formatyna da bailanysty suraqtar bar. Oqýlyqtarda jiberiletin qatelikterge de qatysty máseleler aitylýda. Osyǵan orai oqýlyqtardy ázirleýde biryńǵai ortaq talap engizildi. Oqýlyq ázirleýde balalardyń jas ereksheligi, psihologiiasymen qatar memlekettik til saiasatyn da umytpaýymyz kerek. Sonymen qatar, oqýshylardy elektrondyq oqýlyqtarmen qamtamasyz etý de mańyzdy», - dedi QR Bilim jáne ǵylym ministri Ashat Aimaǵambetov oqýlyq máselelerine arnalǵan onlain jiyn barysynda.
Sondai-aq, ministr oqýlyqtardyń sapasy men mazmunyna qatysty suraqtar men eskertýler jii kelip túsetin pánderdi atady.
«Búginde Qazaqstan tarihy páni boiynsha ortaq oqýlyqtyń bolý máselesi qolǵa alynýda. Sebebi egemen elimizdiń tarihy jazylǵan ortaq oqýlyq bolýy qajet degen usynys kelip tústi. Sol siiaqty Kórkem ádebiet oqýlyǵy boiynsha da ózgerister qajet. Eger biz sanaly urpaq tárbieleimiz desek, onda kórkem ádebiettiń orny erekshe. Balalardy tárbieleýde kórkem ádebiet jetkilikti ma? Mektep kitaphanalarynyń búgingi jaǵdai qandai? Osy dúnielerdi keńinen qarastyrýymyz qajet. Odan bólek, Qazaq ádebieti oqýlyǵynyń mazmunyna qatysty da suraqtar kóp. Onyń ishinde keibir qazaq klassikteriniń kitapqa enbei qalý máselesi bar. Osy aitylǵan dúnielerge qatysty suraqtar men usynystar bizge jii kelip túsedi. Búgingi kezdesýde osy jáne ózge de oqýlyqtarǵa qatysty suraqtarǵa jaýap qarastyratyn bolamyz», - dedi ol.
