videodan alynǵan kadr
Memleket basshysy Qasym-Jomart Kemeluly Toqaev Ádiletti Qazaqstannyń saiasi júiesiniń negizgi formýlasy – «Kúshti Prezident – yqpaldy Parlament – esep beretin Úkimet» dep aiqyndap, Prezidenttik reformalar aiasynda tiisti jumys júrgizilip jatyr. Bul týraly depýtat Ashat Aimaǵambetov aitty, dep habarlaidy Azattyq Ruhy.
«Búgin Májilis depýtattary jańa jaǵdaida jumys atqarýda. Zań jobalary Qoǵamdyq palata alańynda, azamattyq qoǵam ókilderi, ǵalymdar men sarapshylarmen birge jan jaqty talqylynyp jatyr. Qazirdiń ózinde qoǵamdyq baqylaý, aktivterdi qaitarý týraly jáne basqa da mańyzdy zańdar qabyldandy. Munyń bári depýtattyq korpýs pen Úkimetten birlesken jáne úilesimdi jumys talap etedi. Alaida birinshi sessiia barysynda birneshe problemalyq suraqtardy baiqadyq», - dedi depýtat.
Onyń aitýynsha, Konstitýtsiia boiynsha depýtattardyń zań shyǵarý bastamasy quqyǵy bar.
«Jańa shaqyrylymnyń ereksheligi – eń mańyzdy máseleler boiynsha depýtattardyń bastamashyl zań jobalaryn belsendi ázirleýi. Zańnamaǵa sáikes olar Úkimettiń qorytyndysyna jiberilýi kerek. Alaida munda biz memlekettik organdardyń álsiz, tiimsiz jumysyn kórip otyrmyz. Biz ǵylym jáne ǵylymi-tehnologiialyq saiasat boiynsha zań jobalaryn ázirledik. Prezidenttiń tapsyrmasy da bar ekenin bilesizder Úkimet osy zańdy maýsymnyń sońyna deiin engizýi kerek edi. Alaida úlgermedi. Al depýtattar ózderi bastamashy bolyp osy zań jobasyn daiyndady. Buǵan qosa bilim, mádeniet jáne t.b. týraly zań jobalaryryn da depýtattar ázirlendi. Biraq másele mynada, memlekettik organdar zań jobalaryn ázirleý solardyń ǵana quzyreti dep sanaidy. Biz ázirlegen zań jobalaryna salǵyrt qaraidy», - dedi ol.
Aimaǵambetov Úkimet qorytyndylarynyń qajettiligi týraly aitty.
«Jumys toptarynda talqylaý barysynda memlekettik organdar barlyq normalardy Úkimettiń qorytyndysyna jiberýdi talap etedi. Alaida Konstitýtsiianyń 61-baby 6-tarmaǵyna sáikes memlekettik kiristerdi qysqartýdy nemese memlekettik shyǵystardy ulǵaitýdy kózdeitin zań jobalary ǵana Úkimetiniń oń qorytyndysy bolǵan kezde engiziletinin atap ótken jón. Sondyqtan Úkimettiń qorytyndysyna tek shyǵyndy talap etetin normalar ǵana jiberilýi qajet. Jalpy, osyndai tájiribeni boldyrmas úshin Úkimet reglamentine tiisti túzetýler engizý qajet dep sanaimyn. Bul – depýtattardyń túzetýlerine Úkimet qorytyndysyn qaraý merzimderi. Depýtattardyń túzetýlerine Úkimettiń qorytyndylary Parlament Májilisine 4-5 aidan keiin kelip túsedi.
Sondyqtan bizdiń oiymyzsha, Úkimettiń qorytyndylaryn kelisý rásimin qaita qaraý, olardyń ótýin qiyndatatyn kedergilerdi joiý jáne zań jobasyna qorytyndy daiyndaýdyń tolyq merzimin 1 aidan aspaityn merzimge jasaý qajet», - dedi ol.
Depýtat Úkimet normasynyń naqty usynylatyn redaktsiiasyn engizbei, jai ǵana depýtattardyń túzetýlerine teris qorytyndy jasaý praktikasyn toqtatý qajet dep sanaidy.
«Buǵan qosa, osy qorytyndylardyń turaqty bolýyn qamtamasyz ekten jón. Óitkeni bir másele boiynsha birneshe pozitsiia keletin jaǵdailar az emes. Qorytyndai kele, atalǵan problemalardy muqiiat qarap, tiisti shemdimderdi qabyldaýdy usynamyn. Bizdiń maqsatymyz – bir, ilep jatqan bir teriniń pushpaǵy. Sondyqtan elimizdi damytý men Prezidenttiń tapsyrmalaryn sapaly oryndaý úshin depýtattar men Úkimet músheleri úilesimdi ári tiimdi jumys atqarady dep senemin», - dedi ol.
