Bilim jáne ǵylym ministri Ashat Aimaǵambetov qysqartý sharalary bilim jáne ǵylym salasynyń qai baǵyttaryn qamtymaýy kerektigin atady, dep habarlaidy QazAqparat.
Úkimet janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komissiianyń otyrysynda Ashat Aimaǵambetov óńirlerdiń ákimdikterinen bala qamqorlyǵymen ainalysatyn mamandardy qysqartpaýdy surady.
«Memlekettik apparatty qysqartý josparlanyp jatyr. Tapsyrma bolǵannan keiin qysqartý barlyq salany qamtityny túsinikti. Biraq balalar zardap shekpeýi kerek. Bul jóninde biz aitqan bolatynbyz. Ásirese bul qamqorlyq organdarymen jumys isteitin mamandarǵa qatysty. Qazirdiń ózinde ondai mamandar tapshy. Onsyz da mindetterin tolyq atqarýǵa úlgermei otyr. Patronattyq tárbie, qamqorlyqqa alý, asyrap alý, balalardyń quqyǵyna bailanysty sot isteri de osynyń ishinde. Aýdandarda osy sharýanyń bári 1-2 eki adamnyń ǵana moinyna júktelgen. Kóbi sottarǵa qatysyp qana júr. Óitkeni basqa jumystarǵa úlgermeidi. Qamqorlyq jáne asyrap alý uiymdarynda qysqartý júretin bolsa, patronattyq tárbiedegi balalar qaraýsyz qalady. Óitkeni baqylaý bolýy kerek. Osy máselege erekshe nazar aýdarýdy suraimyz», - dedi ministr vedomstvoaralyq keńes otyrysynda.
