QR Bilim jáne ǵylym ministri Ashat Aimaǵambetov muǵalimderge magistratýrany tek kúndizgi bólimde oqýǵa keńes berdi, dep habarlaidy QazAqparat.
Respýblikalyq pedagogikalyq keńes barysynda ministr magistratýra bitirgen muǵalimderge ai saiyn 29 myń teńge qosylatyndyqtan bilimin jetildirýge niet tanytýshylardyń sany artqanyn basa aitty.
Bul rette ol kórshi elderdiń joǵary oqý oryndarynda onlain nemese syrttai oqyp alǵan diplom Qazaqstanda jaramai qalýy múmkin ekendigin qatań eskertti.
«Magistratýraǵa tússeńizder, onda kádimgidei kúndizgi bólimine baryp oqý kerek. Eger basqa memleketterde kúndizgi bólimge baryp oqymasa, onda suraq týyndaidy. Al Qazaqstannyń ýniversitetterinde grantqa oqyǵandar bir bólek, ózderi tólep nemese oqymai júrgender bir bólek. Sondyqtan bul máselede abai bolyńyzdar. Erteń aldanyp qalmańyzdar. Magistratýra degennen keiin bári magistratýraǵa qujat daiyndap jatyr degen habardy estip otyrmyz. Bul máseleni baiqaý kerek. Erteń magistratýra diplomy jaramai qalsa, onda ózderińiz óte yńǵaisyz jaǵdaiǵa urynyp qalasyzdar», - dep eskertti Ashat Aimaǵambetov.
