Bilim jáne ǵylym ministri Ashat Aimaǵambetov elimizde biotehnologiia ǵylymyn damytýda qandai máselelerge nazar aýdarylýy kerektigin aitty, dep habarlaidy QazAqparat.
«Biotehnologiia baǵyty farmatsevtikalyq keshen bolsyn, fýndamentaldy ǵylym bolsyn óte mańyzdy bolyp tur. Aýyl sharýashylyǵyn damytý úshin Memleket basshysy úlken mindetterdi Úkimetke júktedi. Tiisti ministrlik bul jumysty júrgizýde. Bizdiń taraptan ǵylymi súiemeldeý qajet. Kóp máseleni tájiribeni engizý kerek. Kommertsiialandyrý boiynsha da áli de kóp jumys atqarylýy kerektigi kórinip otyr. «Munyń aldynda materialdyq-tehnikalyq baza joq, eshteńe joq» degen syńaidaǵy másele bolatyn. Qazir Memleket basshysynyń qoldaýynyń arqasynda biyl jáne kelesi jyly ǵylymi institýttardyń materialdyq-tehnikalyq bazasyn nyǵaitý úshin milliardtaǵan aqsha bólinedi», - dedi Ashat Aimaǵambetov Bilim jáne ǵylym ministrliginiń apparattyq otyrysynda.
Ministr iaǵni, bul maqsatta institýttarǵa qajetti materialdardy, qural-jabdyqtardy alýǵa múmkindik bolatynyn aitady.
«Árine taǵylymdamadan ótkizý boiynsha da jaqsy múmkindik paida boldy. Ǵylymi qyzmetkerlerdi taǵylymdamaǵa jiberip, basqa da memleketterdiń zerthanalarynda jumys isteý múmkindigi jolǵa qoiylyp otyr. JOO-larmen jumys isteý óte mańyzdy. Birge kadrlardy daiarlaý kerek. Óte myqty ǵalymdar bar. Sol ǵalymdar bilimin taratyp, ýniversitetterde dáris berý – barlyq institýttardyń mańyzdy baǵyty bolýy kerek dep sanaimyn. Sondyqtan osy jumysty qolǵa alý kerek», - dedi ol.
