Bilim jáne ǵylym ministri Ashat Aimaǵambetov M.Áýezov atyndaǵy Ádebiet jáne óner institýtynyń barlyq jádigeri men qujatyn tsifrlandyrýdy tapsyrdy, dep habarlaidy QazAqparat.
«Qazaq ádebieti men mekteptegi kitaphanalar boiynsha tiisti tapsyrma berildi. Ony ary qarai júrgizý kerek. Ulttyq ǵylym akademiiasymen birge bul jumysty sońyna jetkizemiz. Mańyzdy máseleniń biri – tsifrlandyrý. Biz sizderde jinalǵan aýqymdy rýhani bailyqty, jádigerler men ult muralaryn tsifrlandyrýymyz kerek. Ol úshin ne qajet? Bizge ótinishterińizdi jiberińizder. Máseleni retteimiz», - dedi Ashat Aimaǵambetov M.Áýezov atyndaǵy Ádebiet jáne óner institýtynyń direktory Kenjehan Matyjanovqa qarata.
Ashat Aimaǵambetov sonymen qatar ǵylymi institýttardyń maqsaty – ǵylymi izdenis ekenin, alaida olar ol jumystan bólek qoǵammen jumys júrgizýi kerektigin eske saldy.
«Qoǵamda bolyp jatqan ártúrli qubylystarǵa oiyn aitý, sarapshy retinde aralasý, shyn máninde kez kelgen oqiǵaǵa ǵylymi negiz berý – óte mańyzdy másele. Bizdiń ǵylymi zertteý institýttary osy jumysty umytpaýy kerek. Álbette, zertteý – basty jumys. Alaida qoǵamdaǵy oqiǵalarǵa ǵylymi negizde túsinik berip otyrý mańyzdy», - dedi ol.
