«Myń bala» jobasyn iske asyrý jalǵastyrylady. Bul týraly Bilim jáne ǵylym ministrliginiń alqa májilisinde vedomstvo basshysy Ashat Aimaǵambetov málim etti, dep habarlaidy QazAqparat.
«2020 jyly elimizdiń daryndy balalary halyqaralyq olimpiadalar men ǵylymi jarystarda 437 medal jeńip aldy. Aýyldyq jerlerdegi daryndy balalardy anyqtaý jáne qoldaý jónindegi «Myń bala» jobasyn iske asyrý jalǵastyrylady. Ol óte jaqsy nátijesin kórsetip otyr», - dedi ministr.
Osy oraida ol daryndy balalardy qoldaý jumystaryn keshendi túrde jalǵastyrý kerektigin atap ótti.
«Bul turǵyda «Myń bala» jobasy, respýblikalyq ári prezidenttik olimpiadalardyń jańa úlgileri engiziledi. Oǵan jaqynda qabyldanǵan zańnyń aiasynda qosymsha bilim alýǵa keń múmkindik berýi úshin memlekettik tapsyrys ornalastyrylady. Munda da konkýrs negizinde ótedi jáne jekemenshik uiymdarǵa ornalastyrylǵannan keiin, qosymsha bilimmen qamtý deńgeiin áldeqaida ulǵaitýǵa múmkindik beretini sózsiz», - dedi A. Aimaǵambetov.
Ministrdiń atap ótýinshe, óńirlerde osyndai uiymdardy damytý kerek.
Budan buryn habarlanǵandai, vedomstvo basshysy balalardyń qaýipsizdigin qamtamasyz etý maqsatynda barlyq óńirde mektepterdi beinebaqylaý júiesimen 100 paiyz, jyly ájethanalarmen 99 paiyz qamtamasyz etilgenir aitty.
