«مىڭ بالا» جوباسىن ٸسكە اسىرۋ جالعاستىرىلادى. بۇل تۋرالى بٸلٸم جەنە عىلىم مينيسترلٸگٸنٸڭ القا مەجٸلٸسٸندە ۆەدومستۆو باسشىسى اسحات ايماعامبەتوۆ مەلٸم ەتتٸ, دەپ حابارلايدى قازاقپارات.
«2020 جىلى ەلٸمٸزدٸڭ دارىندى بالالارى حالىقارالىق وليمپيادالار مەن عىلىمي جارىستاردا 437 مەدال جەڭٸپ الدى. اۋىلدىق جەرلەردەگٸ دارىندى بالالاردى انىقتاۋ جەنە قولداۋ جٶنٸندەگٸ «مىڭ بالا» جوباسىن ٸسكە اسىرۋ جالعاستىرىلادى. ول ٶتە جاقسى نەتيجەسٸن كٶرسەتٸپ وتىر», - دەدٸ مينيستر.
وسى ورايدا ول دارىندى بالالاردى قولداۋ جۇمىستارىن كەشەندٸ تٷردە جالعاستىرۋ كەرەكتٸگٸن اتاپ ٶتتٸ.
«بۇل تۇرعىدا «مىڭ بالا» جوباسى, رەسپۋبليكالىق ەرٸ پرەزيدەنتتٸك وليمپيادالاردىڭ جاڭا ٷلگٸلەرٸ ەنگٸزٸلەدٸ. وعان جاقىندا قابىلدانعان زاڭنىڭ اياسىندا قوسىمشا بٸلٸم الۋعا كەڭ مٷمكٸندٸك بەرۋٸ ٷشٸن مەملەكەتتٸك تاپسىرىس ورنالاستىرىلادى. مۇندا دا كونكۋرس نەگٸزٸندە ٶتەدٸ جەنە جەكەمەنشٸك ۇيىمدارعا ورنالاستىرىلعاننان كەيٸن, قوسىمشا بٸلٸممەن قامتۋ دەڭگەيٸن ەلدەقايدا ۇلعايتۋعا مٷمكٸندٸك بەرەتٸنٸ سٶزسٸز», - دەدٸ ا. ايماعامبەتوۆ.
مينيستردٸڭ اتاپ ٶتۋٸنشە, ٶڭٸرلەردە وسىنداي ۇيىمداردى دامىتۋ كەرەك.
بۇدان بۇرىن حابارلانعانداي, ۆەدومستۆو باسشىسى بالالاردىڭ قاۋٸپسٸزدٸگٸن قامتاماسىز ەتۋ ماقساتىندا بارلىق ٶڭٸردە مەكتەپتەردٸ بەينەباقىلاۋ جٷيەسٸمەن 100 پايىز, جىلى ەجەتحانالارمەن 99 پايىز قامتاماسىز ەتٸلگەنٸر ايتتى.
