QR Bilim jáne ǵylym ministri Ashat Aimaǵambetov koronavirýs indetine qarsy ázirlengen otandyq vaktsinaǵa qatysty óz pikirin bildirdi, dep habarlaidy "Ult aqparat".
«Klinikaǵa deiingi zertteýdiń nátijesin kúndelikti alyp turdym. Vaktsina saraptamasynyń nátijesi men tiimdiligin kórip, ózimizdiń otandyq vaktsinany ektirýdi jón dep sheshtim. Odan beri biraz ýaqyt ótti. Ózimdi jaqsy sezinip júrmin, eshqandai kataraldyq belgiler baiqalmady, temperatýram da kóterilmedi», - dedi Aimaǵambetov.
Ministrdiń aitýynsha, otandyq ǵalymdardyń ǵylymi zertteýleri shetelde de qoldanylyp júr.
«Zertteýshiler jyldar boiy infektsiialyq aýrýlarǵa qarsy vaktsina ázirlep, engizip júr. Ol elimizben qatar shetelde de belsendi qoldanysqa ie», - deidi ol.
