Oqý-aǵartý ministri Ashat Aimaǵambetov attestattaýdyń jańa júiesi engizilip, balabaqsha tárbieshileriniń jalaqysy kóteriletinin málimdedi, dep habarlaidy Sputnik Qazaqstan.
Prezident sońǵy Joldaýynda balabaqshalarda jumys isteitin pedagogtardyń jalaqysyn kóbeitýdi tapsyrdy. Oqý-aǵartý ministri Ashat Aimaǵambetovtyń aitýynsha, búginde bul saladaǵy mamandardyń eńbekaqysy ortasha jalaqydan da tómen bolyp tur.
"Qazirgi ýaqytta balabaqshalarda 1 pedagogke 25 baladan keledi. Ortasha jalaqy 147 myń teńgeni quraidy. Bul respýblika boiynsha ortasha jalaqydan tómen", - dedi Aimaǵambetov Úkimettiń búgingi otyrysynda.
Budan bólek, Memleket basshysy attestatsiia engizýge tapsyrma bergen bolatyn. Sonyń nátijesi boiynsha balabaqsha pedagogtarynyń jalaqysyn arttyrý josparlanyp otyr. Al júkteme azaiady.
"Prezident tapsyrmasynyń sheńberinde balabaqsha pedagogtaryn attestattaýdyń jańa júiesi engizilip, jalaqy kóbeitiledi", - dep atap ótti Aimaǵambetov.
Aita keteri, Toqaev sonymen qatar mektepterde jaratylystaný-matematika jáne aǵylshyn tilin oqytýdy kúsheitý qajettigin aitty. Osyǵan orai, ministrlik oqý baǵdarlamalaryn jańartýdy josparlap otyr.
