وقۋ-اعارتۋ مينيسترٸ اسحات ايماعامبەتوۆ اتتەستاتتاۋدىڭ جاڭا جٷيەسٸ ەنگٸزٸلٸپ, بالاباقشا تەربيەشٸلەرٸنٸڭ جالاقىسى كٶتەرٸلەتٸنٸن مەلٸمدەدٸ, دەپ حابارلايدى Sputnik قازاقستان.
پرەزيدەنت سوڭعى جولداۋىندا بالاباقشالاردا جۇمىس ٸستەيتٸن پەداگوگتاردىڭ جالاقىسىن كٶبەيتۋدٸ تاپسىردى. وقۋ-اعارتۋ مينيسترٸ اسحات ايماعامبەتوۆتىڭ ايتۋىنشا, بٷگٸندە بۇل سالاداعى مامانداردىڭ ەڭبەكاقىسى ورتاشا جالاقىدان دا تٶمەن بولىپ تۇر.
"قازٸرگٸ ۋاقىتتا بالاباقشالاردا 1 پەداگوگكە 25 بالادان كەلەدٸ. ورتاشا جالاقى 147 مىڭ تەڭگەنٸ قۇرايدى. بۇل رەسپۋبليكا بويىنشا ورتاشا جالاقىدان تٶمەن", - دەدٸ ايماعامبەتوۆ ٷكٸمەتتٸڭ بٷگٸنگٸ وتىرىسىندا.
بۇدان بٶلەك, مەملەكەت باسشىسى اتتەستاتسييا ەنگٸزۋگە تاپسىرما بەرگەن بولاتىن. سونىڭ نەتيجەسٸ بويىنشا بالاباقشا پەداگوگتارىنىڭ جالاقىسىن ارتتىرۋ جوسپارلانىپ وتىر. ال جٷكتەمە ازايادى.
"پرەزيدەنت تاپسىرماسىنىڭ شەڭبەرٸندە بالاباقشا پەداگوگتارىن اتتەستاتتاۋدىڭ جاڭا جٷيەسٸ ەنگٸزٸلٸپ, جالاقى كٶبەيتٸلەدٸ", - دەپ اتاپ ٶتتٸ ايماعامبەتوۆ.
ايتا كەتەرٸ, توقاەۆ سونىمەن قاتار مەكتەپتەردە جاراتىلىستانۋ-ماتەماتيكا جەنە اعىلشىن تٸلٸن وقىتۋدى كٷشەيتۋ قاجەتتٸگٸن ايتتى. وسىعان وراي, مينيسترلٸك وقۋ باعدارلامالارىن جاڭارتۋدى جوسپارلاپ وتىر.
