"Ailyǵy 300 mln. teńgeden kem jigitke meniń janymda jaisyz bolady" ‒ Qazaqstandyq arýlardyń jigitke talaby jelide shý boldy

Foto: zbird.com.ua

Bloger Diana Gagýa Astana barlarynyń birinde qyz-kelinshekterge: "Sizben tanysqysy keletin jigittiń tabysy qansha bolýy kerek?" degen suraq qoidy. Saýalǵa alynǵan jaýap jeli qoldanýshylaryn tańqaldyrdy,  dep habarlaidy Ult.kz.

Qazaq_tok TikTok paraqshasynda jariialanǵan beinejazbaǵa sensek, suraqqa jaýap bergen alǵashqy arý ózimen tanysqysy keletin er-azamat 50 mln. teńgeden az tappaýy kerektigin aitsa, kelesi boijetken 30 mln. teńgege kelisetinin aitty.

Saýalnamaǵa qatysqan arýlardyń arasynda tipti jigittiń ailyq tabysy 100 - 200 mln. teńge bolmasa burylyp ta qaramaitynyn aityp jatqandar bar.

Jaýap bergen qyzdardyń biri "adekvatty jaýap berýge tyrysamyn" dep, 4 mln. teńge tabatyn jigitpen tanysýǵa kelisetinin aitty.

Al adamnyń aqshasynan jan dúniesi mańyzdy ekenin aitqan boijetken 300 mln. teńgeden az tabys tabatyn jigitke ózimen aralasý jaisyz bolatynyn aitty.

Alaida kommentarii jazǵan jeli qoldanýlyry qyzdardyń talaptaryna kúle qarap, pikirlerimen kelispedi.

"Ondai aqshany ózderiń qoldaryńda ustap kórdińder me? Tek kúlkili", "Nege aiyna 30 mln. teńge tabatyn jigit sendermen kezdesip, úilenýleri kerek? Ózderiń olarǵa ne bere alasyńdar?" degen sipatta jazbalar qaltyrdy. 

Olardyń arasynda boijetkenderdiń sózderin túsinbei, tań-tamasha bolyp, "aspandaǵy aiǵa qol sozǵandai" dep qabyldap jatqandary da boldy.

"Qyzdar, aida ómir surasińder me?", "Qyzder, ózderiń Qazaqstannansyńdar ma?", "Tym asyra siltep jiberdińder" dep arýdardyń jaýabyn túsinbeitinderin aityp, bul talaptar úshin uialatyndaryn jetkizgender de boldy.