"ايلىعى 300 ملن. تەڭگەدەن كەم جٸگٸتكە مەنٸڭ جانىمدا جايسىز بولادى" ‒ قازاقستاندىق ارۋلاردىڭ جٸگٸتكە تالابى جەلٸدە شۋ بولدى

فوتو: zbird.com.ua

بلوگەر ديانا گاگۋا استانا بارلارىنىڭ بٸرٸندە قىز-كەلٸنشەكتەرگە: "سٸزبەن تانىسقىسى كەلەتٸن جٸگٸتتٸڭ تابىسى قانشا بولۋى كەرەك?" دەگەن سۇراق قويدى. ساۋالعا الىنعان جاۋاپ جەلٸ قولدانۋشىلارىن تاڭقالدىردى,  دەپ حابارلايدى Ult.kz.

Qazaq_tok TikTok پاراقشاسىندا جارييالانعان بەينەجازباعا سەنسەك, سۇراققا جاۋاپ بەرگەن العاشقى ارۋ ٶزٸمەن تانىسقىسى كەلەتٸن ەر-ازامات 50 ملن. تەڭگەدەن از تاپپاۋى كەرەكتٸگٸن ايتسا, كەلەسٸ بويجەتكەن 30 ملن. تەڭگەگە كەلٸسەتٸنٸن ايتتى.

ساۋالناماعا قاتىسقان ارۋلاردىڭ اراسىندا تٸپتٸ جٸگٸتتٸڭ ايلىق تابىسى 100 - 200 ملن. تەڭگە بولماسا بۇرىلىپ تا قارامايتىنىن ايتىپ جاتقاندار بار.

جاۋاپ بەرگەن قىزداردىڭ بٸرٸ "ادەكۆاتتى جاۋاپ بەرۋگە تىرىسامىن" دەپ, 4 ملن. تەڭگە تاباتىن جٸگٸتپەن تانىسۋعا كەلٸسەتٸنٸن ايتتى.

ال ادامنىڭ اقشاسىنان جان دٷنيەسٸ ماڭىزدى ەكەنٸن ايتقان بويجەتكەن 300 ملن. تەڭگەدەن از تابىس تاباتىن جٸگٸتكە ٶزٸمەن ارالاسۋ جايسىز بولاتىنىن ايتتى.

الايدا كوممەنتاريي جازعان جەلٸ قولدانۋلىرى قىزداردىڭ تالاپتارىنا كٷلە قاراپ, پٸكٸرلەرٸمەن كەلٸسپەدٸ.

"ونداي اقشانى ٶزدەرٸڭ قولدارىڭدا ۇستاپ كٶردٸڭدەر مە? تەك كٷلكٸلٸ", "نەگە ايىنا 30 ملن. تەڭگە تاباتىن جٸگٸت سەندەرمەن كەزدەسٸپ, ٷيلەنۋلەرٸ كەرەك? ٶزدەرٸڭ ولارعا نە بەرە الاسىڭدار?" دەگەن سيپاتتا جازبالار قالتىردى. 

ولاردىڭ اراسىندا بويجەتكەندەردٸڭ سٶزدەرٸن تٷسٸنبەي, تاڭ-تاماشا بولىپ, "اسپانداعى ايعا قول سوزعانداي" دەپ قابىلداپ جاتقاندارى دا بولدى.

"قىزدار, ايدا ٶمٸر سۇراسٸڭدەر مە?", "قىزدەر, ٶزدەرٸڭ قازاقستاننانسىڭدار ما?", "تىم اسىرا سٸلتەپ جٸبەردٸڭدەر" دەپ ارۋداردىڭ جاۋابىن تٷسٸنبەيتٸندەرٸن ايتىپ, بۇل تالاپتار ٷشٸن ۇيالاتىندارىن جەتكٸزگەندەر دە بولدى.