Ánshi Aiqyn Tólepbergen qazaqstandyqtardyń Dimash Qudaibergen Qytaiǵa barǵan shaǵyna deiin qoldaý kórmedi degen sózderine qatysty pikirin bildirdi, - dep habarlaidy "Ult aqparat".
Óz oiyn Aiqyn Tólepbergen Instagram jelisindegi paraqshasynda bildirdi.
"Sizder (óner adamdary) Dimashty Qytaiǵa barǵanǵa deiin qoldamadyńyzdar, baiqamadyńyzdar" degen áńgimege aitarym.Dimashty ózim 2014-n beri tanimyn. Insta paraqshamdy senbeseńizder qarap shyǵyńyzdar. Jáne árqashanda qoldap, ónerine tánti bolyp júrdik. Ónerdegi barlyq aǵa-ápkeleri de dál solai. Ásirese qoldaý kórsetken Mádeniet jáne Sport ministrligi", - dep jazǵan Aiqyn.
Sondai-aq, ol Dimash Qudaibergenge "Slavian bazaryn" utyp kelgen soń (oǵan deiin de), úlken-úlken saxnalarǵa , memlekettik mańyzdy is-sharalarǵa shyǵaryp demeý kórsetken de ministrlik, onyń ishinde Arystanbek Muxamediuly myrza ekenin aityp ótti.
"Astanadaǵy Dimashtyń stadionda, álemdik deńgeidegi shoý-kontsertine de tikelei qoldaý kórsetken joǵaryda aitylǵan aǵamyz. Sondyqtan "Qytaiǵa barmai turyp eshkimge kerek bolmady" degen - bos áńgime. Dimashtai, Qairattai, 91 tobyndai jáne t.b. talantty inilerimiz ben qoldaýshy aǵalarymyz aman bolsyn!!! Jáne eń bastysy óner adamdaryn ósiretin de, óshiretin SIZDER aman bolyńyzdar, qurmetti KÓRERMEN QAÝYM!!!", - dep jazdy ánshi Instagram jelisindegi paraqshasynda.
