Nur-Sultan qalasynyń saniatrlyq-epidemiologiialyq baqylaý departamenti basshysynyń mindetin atqarýshy Aigúl Shaǵaltaeva elordadaǵy qazirgi epidemiologiialyq ahýal shekteý sharalaryn alyp tastaýǵa múmkindik bermei otyrǵanyn málim etti, dep habarlaidy QazAqparat.
«Ózderińiz biletindei, kesheden beri elorda «qyzyl» aimaqta. Keiingi bes kúnniń ishinde koronavirýs juqtyrǵandardyń artýyna bailanysty osyndai sheshim qabyldanyp otyr. Bul koronavirýs infektsiiasynyń taralý qaýpi artyp bara jatqanyn bildiredi. Ókinishke qarai, aýrý juqtyrǵandardyń keiingi kúnderdegi statistikasy qandai da bir karantin jeńildigin jasaýǵa nemese shekteýlerdi alyp tastaýǵa múmkindik bermei tur», - dedi ol «Astana – adaldyq alańynyń» Facebook paraqshasynda ótken baspasóz máslihatynda.
Onyń aitýynsha, elordadaǵy meditsinalyq uiymdar qaýipti indettiń taralý qaýpine daiyn otyr.
«Ambýlatoriialyq deńgeide tósek-oryn júktemesi qazirgi ýaqytta 38 paiyzdy qurap otyr. PTR test tapsyrýǵa bolatyn 18 zerthana bar. Onyń bári de biryńǵai júiege integratsiialanǵan. Iaǵni, juqtyrǵandardyń sanyn baqylap otyrmyz», - deidi Aigúl Shaǵaltaeva.
