Foto: azh.kz
Atyraýda joǵary laýazymdy politsiia qyzmetkerlerine qatysty is qoǵam nazaryn aýdardy. Burynǵy basshy qamaýǵa alynyp, tergeý aýqymy keńeiýi múmkin, dep habarlaidy Ult.kz "Aq Jaiyq" basylymyna silteme jasap.
Atyraý qalalyq politsiia basqarmasynyń burynǵy basshysy Baqtybek Isaev tergeý izoliatoryna qamaldy. Buǵan deiin ol ýaqytsha ustaý izoliatorynda bolǵan.
Onyń ústinen qylmystyq is qozǵalyp, ishki ister organdarynan teris sebeptermen jumystan shyǵarylǵan.
Derekkózderdiń málimetinshe, tergeý barysynda laýazymdyq ókilettikterdi asyra paidalaný derekteri tekserilip jatyr. Alaida istiń naqty quqyqtyq saralanýy ázirge resmi túrde jariialanǵan joq.
Tergeý amaldary qylmystyq ister boiynsha zattai aiǵaq retinde tirkelgen esirtki zattaryna bailanysty júrgizilýde. Aldyn ala málimetterge súiensek, bul iske ártúrli deńgeidegi politsiia qyzmetkerlerin qosqanda 17-ge jýyq adamnyń qatysy bolýy múmkin.
Olardyń qatarynda oblystyq esirtki qylmysyna qarsy is-qimyl basqarmasynyń basshysy Álisher Nurshaev pen politsiia departamentiniń ózindik qaýipsizdik basqarmasynyń basshysy Salamat Qaliev te atalady. Degenmen, olardyń protsestik mártebesi resmi túrde naqtylanbaǵan.
Tergeýdiń mán-jaiy tolyq ashylmai otyr. Quqyq qorǵaý organdary ázirge istiń egjei-tegjeiin jariialaǵan joq.
