Ishki ister ministri ákimshilik politsiia komiteti tóraǵasynyń orynbasary Aleksei Miliýk turmystyq zorlyq-zombylyq kórgen áielderdiń kóp jaǵdaida aryzyn qaitaryp alatynyn aitty, dep habarlaidy Sputnik Qazaqstan.
Onyń sózinshe, qazir Qazaqstannyń qoldanystaǵy zańnamasyna sáikes politsiia jábirlenýshiniń ótinishi boiynsha ǵana ákimshilik is qozǵai alady.
"Biz jábirlenýshi psihologiialyq jáne qarjylyq jaqtan kúieýine táýeldi bolǵandyqtan isti ári qarai tekserýden bas tartyp, onymen tatýlasatynyn túsinemiz. Ishki ister organdaryna barlyǵy 190 myńǵa jýyq aryz kelip tústi, onyń tórtten biri ǵana ákimshilik óndiriske alyndy. Al qozǵalǵan ákimshilik óndiristiń 60%-i taraptardyń tatýlasýyna bailanysty toqtatyldy", - dedi Aleksei Miliýk.
Soǵan bailanysty ministrlik turmystyq janjal kezinde taraptardyń tatýlasý múmkindigin qaita qarap jatyr.
"Keleshekte turmystyq zorlyq-zombylyq faktisi qaitalanǵan jaǵdaida tatýlasý múmkindigin tolyǵymen joiýdy josparlap otyrmyz", - dedi ol.
Sonymen qatar Aleksei Miliýk keiingi alty aida Qazaqstanda otbasylyq quqyq buzýshylyq 8%-ke azaiǵanyn málimdedi.
Turmystyq janjaldyń teń jartysy mas kúide jasalady, al turmystyq quqyq buzýshylyqqa qatysty ustalǵandardyń 80%-niń turaqty jumys orny joq.
