Foto: Instagram\nemolchikz_official
Buǵan deiin Qazaqstannyń BAÁ-degi elshiliktiń keńesshisi Sáken Mamash áieline únemi kúsh kórsetetini, tipti jubaiynyń ápkesine de qol kótergeni týraly aqparat taraǵan edi. Endi áielin urdy dep aiyptalǵan qazaqstandyq diplomatqa qylmystyq is qozǵaldy, dep habarlaidy «Ult aqparat» Astana qalasynyń politsiia departamentine silteme jasap.
«Bul fakti boiynsha qylmystyq is qozǵaldy. Saraptama taǵaiyndaldy, tergeý júrip jatyr. Tergeý múddesi úshin ózge aqparat jariia etilmeidi» delingen resmi málimette.
Esterińizge salsaq, Qazaqstannyń BAÁ-degi elshiliktiń keńesshisi Sáken Mamashtyń jubaiy Karina Mamash 10 jyl boiy zorlyq-zombylyq kórip kele jatqanyn málimdegen bolatyn.
«Maǵan fizikalyq, jynystyq, emotsionaldyq, turmystyq zorlyq kórsetti. Kúieýimniń maǵan jasaǵan barlyq qiianaty úshin diplomatiialyq mártebesinen aiyryp, túrmege jabylǵanyn qalaimyn», - degen edi ol.
QR Syrtqy ister ministrligi zardap shekken qazaqstandyqtyń BAÁ-den otanyna oralýyna kómektesti.
Karina Qazaqstanǵa balalarymen birge ushyp kelgen. Onyń anasy men ápkesi de daǵdarys ortalyǵyna ornalastyrylǵan.
