Sýret: Gov.kz
Atyraý oblysyndaǵy Maqat aýdanynyń ákimi Rinat Ibragimov qyzmetinen ketti. Búgin Atyraý oblysy ákiminiń baspasóz qyzmeti bul derekti rastady, dep habarlaidy inbusiness.kz.
Rinat Ibragimov Maqat aýdanynyń ákimi qyzmetinen óz erkimen ketken. Ol bul laýazymyna 2022 jylǵy naýryzda taǵaiyndalǵan. Bul taǵaiyndaýǵa deiin Atyraý oblystyq dene shynyqtyrý jáne sport basqarmasynyń basshysy bolǵan.
Al jaqynda burynǵy áieli Rinat Ibragimovten zábir kórgenin aitty. Onyń videosy áleýmettik jelide tarady.
Atyraý oblystyq politsiia departamentiniń baspasóz qyzmeti aýdan ákimine qatysty qylmystyq is QR Qylmystyq kodeksiniń 107-babynyń 2-bóligimen tergelgenin habarlady. Qylmystyq is aqpan aiynda sotqa jiberilgen.
Keiin Atyraý oblysy ákiminiń baspasóz qyzmetinen málim etkendei, aýdan ákiminiń burynǵy jubaiy ákimdikke júginbegen bolyp shyqty.
«Azamatsha A.Úmbetqalieva Atyraý oblysynyń ákimdigine júginbegenin habarlaimyz. Týyndaǵan mán-jailarǵa bailanysty qyzmettik tekserý taǵaiyndaldy», - dep habarlaǵan edi oblys ákiminiń baspasóz qyzmeti.
Atyraý oblystyq sotynyń baspasóz qyzmeti aýdan ákimine qatysty qylmystyq istiń qaralyp jatqanyn rastady.
«Qylmystyq is Atyraý qalasynyń №2 sotynda qaralyp jatyr. Kelesi sot otyrysy 29 mamyrda saǵat 10:00-de ótedi», - dep habarlaǵan bolatyn oblystyq sottyń baspasóz qyzmeti.
Osyǵan bailanysty Rinat Ibragimovtiń ózi túsinik berip, pikir bildirdi. Onyń aitýynsha, burynǵy áielimen ortaq balalary ózimen birge turady.
«Burynǵy jubaiymnyń meniń atyma taqqan negizsiz aiyptaýlary men jalǵan aqparaty BAQ-ta keńinen tarap ketti. Burynǵy jubaiym ártúrli áleýmettik jelide taraǵan sońǵy oqiǵalarǵa bailanysty meniń laýazymdy tulǵa ekenimdi bile tura, osyndai málimdemeler jasap jatqan siiaqty. Bizdiń ortaq balalarymyz – 2 qyzym menimen birge turady. Olar mahabbat pen súiispenshilikte ómir súrip jatyr. Mundai sheshim eki qyzymnyń qalaýy boiynsha qabyldandy. Budan basqa bul týraly sottyń zańdy sheshimi de shyqty. Shabýyl jasady degen aiyptaýlarǵa kelsek, qazir sot protsesi júrip jatqandyqtan, BAQ ókilderinen asyǵys qorytyndy jasamaýdy suraimyn», - dedi Rinat Ibragimov.
