Túrkistan oblysynyń Qazyǵurt aýdanyndaǵy balalardy uryp-soǵý jaǵdaiy Lázzat Ramazanovanyń basshylyǵymen ótken Áielder isteri jáne otbasylyq-demografiialyq saiasat jónindegi ulttyq komissiianyń jedel onlain-keńesinde qaraldy.
2020 jylǵy 6 qazanda Qazaqstan Respýblikasy Prezidenti janyndaǵy Áielder isteri jáne otbasylyq-demografiialyq saiasat jónindegi Ulttyq komissiianyń tóraiymy Lázzat Ramazanovanyń basshylyǵymen Túrkistan oblysy ákimi janyndaǵy Áielder isteri jáne otbasylyq-demografiialyq saiasat jónindegi oblystyq komissiia músheleriniń jáne óńirlik úkimettik emes uiymdar ókilderiniń qatysýymen jedel onlain-keńes ótkizildi.
Oblys ákiminiń orynbasary Sáken Qalqamanov óńirde áielderge qatysty turmystyq zorlyq-zombylyq faktileriniń 2019 jyly 29,6% - ǵa, balalarǵa qatysty 7,4% - ǵa tómendegenin atap ótti.
Qazyǵurt aýdanyndaǵy sońǵy oqiǵa áleýmettik jelilerge monitoring júrgizý barysynda ǵana anyqtaldy, degenmen buryn áiel politsiiaǵa agressivti jubaiyna shaǵymdanǵan bolatyn.
«Er adam ustalyp, qamaýda, psihologtar men áleýmettik qyzmetkerler áielmen jáne balalarmen jumys isteýde. Sonymen qatar, ýchaskelik inspektordyń ótinish boiynsha ýaqytyly jumys júrgizbeýi boiynsha tekserý taǵaiyndaldy», - dep atap ótti Sáken Qalqamanov.
Lázzat Ramazanova qazirgi ýaqytta kópshilik aldynda mundai faktilerdiń jariialanýy turmystyq zorlyq-zombylyq qurbandary úshin máseleni sheshýdiń sońǵy múmkindigi jáne qoǵamda osyndai faktilerge «nóldik tózimdilikti» qalyptastyrýǵa múmkindik beretinin atap ótti. Memlekettik organdardyń mindeti - aldyn-ala jumys isteý. Ol úshin Ulttyq komissiia Túrkistan oblysynda «Otbasyndaǵy zorlyq-zombylyqsyz Qazaqstan» pilottyq jobasyn iske asyrýdy bastaǵan edi.
Joba aiasynda oblysta Otbasy isteri jónindegi basqarma jáne 15 aýdanda Áleýmettik-psihologiialyq súiemeldeý qyzmeti quryldy. Biraq ákimdik óz sheshimimen oblysta bul jobany júzege asyrýdy toqtatyp, basqarmany jaýyp tastady. Sondai-aq, pilottyq joba boiynsha ár aýdanda turmystyq zorlyq-zombylyq qurbandary úshin «daǵdarys oryndary» qurylady dep josparlanǵan bolatyn, biraq bul másele de sheshimin tapqan joq.
«Búgin biz áielder men balalar quqyǵyn qorǵaý máselesin sheshýde barlyq quzyrly organdardyń ózara úilestirý jumysynyń qajettiligin aityp otyrmyz. Kópbalaly analar men zorlyq-zombylyq qurbandary memlekettik qyzmetshiler men politsiianyń artynan júgirmeýi, túrli qurylymdardan qoldaý izdemeýi tiis. Máselege jedel jaýap bere alatyn, eń bastysy aldyn alý úshin jumys júrgize alatyn biryńǵai júie qajet. Bul másele sheshilmese, biz osyndai faktiler týraly tek áleýmettik jelilerden biletin bolamyz», - dep atap ótti Lázzat Ramazanova.
Qazirgi kezde Parlament depýtattary otbasylyq-turmystyq zorlyq-zombylyqqa qarsy is-qimyl týraly zań jobalaryna bastama jasady, olardyń negizine Ulttyq komissiia iske asyryp otyrǵan «Otbasyndaǵy zorlyq-zombylyqsyz Qazaqstan» jobasynyń tetikteri salynǵan.
Sondai-aq, jedel otyrysta Túrkistan oblysyndaǵy otbasylyq jáne genderlik saiasatty iske asyrý máseleleri, tujyrymdamada bekitilgen nysanaly indikatorlarǵa qol jetkizý boiynsha nátijeler, áielder kásipkerligin qoldaý máseleleri qaraldy.
Túrkistan oblysynda biliktiń atqarýshy jáne ókildi organdarynda sheshim qabyldaý deńgeiindegi áielderdiń úlesi - 22,5%. Sonymen qatar, Nur Otan partiiasynyń praimerizine oblystan 353 áiel qatysty.
Lázzat Ramazanova túrli salalarda eńbek etetin áielderge, onyń ishinde praimerizge qatysqan áielderge jan-jaqty qoldaý kórsetýdiń mańyzdylyǵyn atap ótti. Sondai-aq, osy jumystyń úilestirýshileri bolatyn óńirlik komissiialardyń qyzmetin jandandyrý qajettiligi atap ótildi.
Otyrys sońynda Túrkistan oblysynyń áielder isteri jáne otbasylyq-demografiialyq saiasat jónindegi óńirlik komissiiasyna birqatar naqty usynystar berildi.
