Keshe Shymkentte myqty talqylar boldy.
Sonyń biri qazaq ultshyldyǵynyń jańa sapasy men mazmuny haqynda órbidi.
Eki nərseni aiqyn ańǵarǵan siiaqtymyn.
1.
Qazaq əli de óz ýaqyty men keńistigin ańǵaryp, anyqtap bolmaǵan. Jeruiyǵy men altyn ǵasyrynyń qaida ekenine kelise almai keledi. Artta qaldy ma əlde bolashaqta ma? Qazaq memleketiniń bolashaǵy týraly ortaq məmile de joq.
2.
Qazaq ultshyldyǵynda əli de etnostyq ólshem kóp. Mysaly, qazaqtyń birazy qazaqtan ózgeni qazaq dep tanýǵa əzir emes. Bul óreskel qatelik. Rýlyq sana da teris əserin tigizip jatyrǵan siiaqty. Keshe bir jigitterden: "Eger ózge etnos ókili men qazaqpyn, tilin bilem, tarihyn bilem, osy jer úshin, osy memleket úshin ólýge əzirmin dese de qazaq bolmai ma?" dep surasam, iia dep jatyr məselen. Bul da durys emes. Qazaq ulttyq sanasy ózgerip, shynaiy memleketshildik, ultshyldyq dərejesine kóterilý kerek. Qazaq bop týsa da, orystan ne qytaidan beter, jaýdan jaman qazaq ta joq emes. Sol orystan mynany da úirený kerek: eń myqty degen saiasatkeri, aqyny, jazýshysy orys bolmaǵan. Arasynda óz aǵaiynymyz da bar, jarty elitasy túrki tekti bolǵan. Biraq bərin baýyryna basyp, óz múddesine orystan beter qyzmet etkizip, tuǵyryna kótergen.
Eń kúlgenim: bir jigittiń "qazaqtar separatist bolýy kerek" degen sózi. Iaǵni əli de otarly sana. Aǵatai-aý, qazaq óz elinde otyryp, kimge qarsy separatist bolýy kerek desem uqpaidy. Onyń oiyndaǵy separatizm - naǵyz ultshyldyq eken! Biraq ol diasporanyń, ulttyq azshylyqtyń sanasy men tirligine qatysty dúnie ekenin aqyry moiyndamai ketti.
Qysqasy basymyzda botqa, sanamyz atala. Terminderden bastaý kerek eken. Soǵan kelissek, basqasyna kelisermiz dep túidim. Keide aityp júrgenimiz bir dúnie, biraq terminderimiz esh jaraspai da jatady eken.
Oilanatyn məsele kóp shynymen.
Aidos Sarymnyń feisbýktegi jazbasynan
