Parlament Májilisiniń depýtaty Aidos Sarym Eýroparlamenttiń Qazaqstandaǵy jaǵdai boiynsha qabyldaǵan qararyna pikir bildirdi, dep habarlaidy QazAqparat.
«Qazaqstanda Batystyń qandai da bir synyn airyqsha qasterleitin nemese tym negativpen qabyldaityn qoǵamdyq diversiia bar siiaqty. Meniń oiymsha, bul nárselerge sabyrly qaraýdy úirený kerek. Óitkeni, aqyrzaman bolǵan joq. Árine, bul jaǵymsyz sát. Men QR Syrtqy ister ministrliginiń barlyq aitylǵan ustanymymen kelisemin – bul óte asyǵys qabyldanǵan sheshim. Osyǵan bailanysty Eýropalyq Komissiianyń pozitsiiasyna kóbirek bet túzeý qajet. Keshe depýtattar aldynda sóz sóilegen resmi komissar óte durys jáne qajetti nárselerdi aitty», - dedi Aidos Sarym QazAqparat tilshisine bergen suhbatta.
Osyǵan bailanysty, Aidos Sarym eýrokomissar Stella Kiriakidestiń «Resmi tergeý qorytyndylaryn kútý kerek, barlyq materialdardy alǵan soń ǵana barlyq qorytyndylardy jasaý kerek» degenin aitty.
«Eýropalyq Parlamenttiń sheshimin belgili bir dárejede saiasi oiynnyń elementi dep sanaimyn. Ekinshi jaǵynan, Eýropalyq Parlamenttiń qandai uiym ekenin túsiný kerek. Eýropalyq Parlament – kóbinese ókildik qyzmetimen ainalysatyn qurylym, al Eýropanyń jalpy syrtqy saiasatyn Eýropalyq komissiia belgileidi, al ulttyq saiasatty Ulttyq Parlament pen Úkimet anyqtaidy. Barlyǵymen jumys isteý kerek, bárin qaz-qalpynda kórsetý kerek», - dedi Májilis depýtaty.
«Eýropalyq Parlamenttegi bes-alty partiianyń árine, Eýropanyń túrli spektrin bildiretinin moiyndaý kerek, biraq bul depýtattardyń 99%-y Qazaqstanǵa eshqashan baryp kórmegen. Olar Qazaqstan týraly eshteńe bilmeidi. Keshe olar janýarlardy tasymaldaýdan bastap Sýdandaǵy jaǵdaiǵa deiin kóptegen máselelerdi talqylady. Qazaqstanǵa kóptegen adamdar kelgenin qalaimyn, bizdiń elmen tanysyp, onyń qandai úlken, kúrdeli, biraq ádemi el ekenin kórgenin qalaimyn... Tek saiasattandyrylǵan kóshi-qon ókilderimen kezdesip, bir top quqyq qorǵaýshylardan aqparat alyp qana qoimai, jalpy tártipsizdik kezinde zardap shekken biznes ókilderimen kezdesse, qaza tapqan áskeri qyzmetshiler men politseilerdiń analarymen kezdesse, bolǵan oqiǵanyń bárin kórgen beibit turǵyndarmen kezdesse deimin. Sonda olardyń kóz aldynda múldem basqa kartina bolatynyna senimdimin. Sondyqtan men bul qarardan tragediia jasamas edim», - dep atap ótti Aidos Sarym.
Sondai-aq, Májilis depýtatynyń aitýynsha, Eýropalyq Parlament búgingi kúnge deiin Qazaqstanǵa qatysty 20-dan astam qarar qabyldaǵan. Bul qararlar Eýropa elderiniń Qazaqstanǵa qatysty saiasatyna qatty áser etken joq.
«Tergeýdiń resmi qorytyndylary shyǵyp jatyr – shamamen 700-ge jýyq qylmystyq is bar. Barlyq elshilikter men halyqaralyq uiymdar bul derekpen tanysýy kerek, sonda olar bolǵan oqiǵadan tolyq jáne jan-jaqty habardar bola alady. Men qazir eýropalyq parlamentshilermen qarsylasyp otyrmas edim», - deidi depýtat.
Aidos Sarym Eýroparlament ókilderimen kelissózder júrgizý qajettigin aitty.
