Foto: Videodan alynǵan kadr
Tanymal jýrnalist Jazira Begaly hidjabpen mektepke barǵan Aidana Medenovanyń qyzyn synady, dep habarlaidy Ult.kz Skifnews.kz aqparat portalyna silteme jasap.
BAQ ókili Oqý-aǵartý ministrligine úndeý jasady.
“Ánshi Aidana Medenovanyń áleýmettik jelilerde beinejazbasy jariia boldy. Qyzy hidjab kiip, mektepke kedergisiz kirdi. Tyiym qaida?! Bul Oqý-aǵartý ministrligine suraq. Al qarapaiym adamnyń balasyn mektepke jolatpai, “Ruqsat joq” degen zańdy áke-sheshesiniń betine basyp, oqýshyny bilim ordasynan qýyp shyǵady. Men kámelet jasqa tolmaǵan balanyń hidjab kigenin qoldamaimyn. Ministrlikke suraǵym bar. Zań men talap – barshaǵa ortaq. Ataqty adamnyń balasyna hidjab kiiýge nege eshkim tyiym salmaidy?! Al qarapaiym jandardyń júikesin muǵalimder mújidi. Ádildik qaida?! Ata-anasy ataqty balaǵa hidjab kiiýge ruqsat berý bul alalaý emes pe?! Ministrlik balalardyń quqyǵyn buzýǵa nege jol bergen?! Zań barshaǵa ortaq bolý kerek”, – dep jazdy jýrnalist.
