Foto: Zakon.kz
Memleket basshysynyń ókimimen Aibek Smadiiarov Prezidenti Ákimshiligi Ishki saiasat bóliminiń meńgerýshisi bolyp taǵaiyndaldy, dep habarlaidy Ult.kz.
"Memleket basshysynyń ókimimen Aibek Serikbaiuly Smadiiarov Qazaqstan Respýblikasy Prezidenti Ákimshiliginiń Ishki saiasat bóliminiń meńgerýshisi laýazymyna taǵaiyndaldy", - delingen habarlamada.
Aibek Smadiiarov II synypty Tótenshe jáne Ókiletti Ýákil diplomatiialyq dárejege ie. Qazaq, orys, aǵylshyn jáne túrik tilderin meńgergen. Ol 1983 jylǵy 7 shildede Ońtústik Qazaqstan oblysynda dúniege kelgen. 2004 jyly Abylai han atyndaǵy Qazaq halyqaralyq qatynastar jáne álem tilderi ýniversitetin bitirgen.
Eńbek jolyn 2005 jyly «Qazaqstandaǵy Qytai banki» AQ Ákimshilik departamentiniń mamany retinde bastaǵan. 2006 jyldan 2008 jylǵa deiin QR Syrtqy ister ministrligi Konsýldyq qyzmet departamentiniń mamany retinde qyzmet atqardy.
2008-2010 jyldary QR SIM Eýropa departamentiniń attashesi jáne úshinshi hatshysy laýazymdarynda jumys istedi.
2010-2012 jyldar aralyǵynda Qazaqstannyń Majarstandaǵy Elshiliginde úshinshi hatshy qyzmetin atqardy.
2012 jyldan 2013 jylǵa deiin QR Prezidentiniń Baspasóz qyzmetinde sarapshy, al 2013-2014 jyldary QR SIM Syrtqy saiasi saraptaý men boljamdaý komitetiniń birinshi hatshysy laýazymyn atqardy.
2014 jyldan 2018 jylǵa deiin Vetnamdaǵy QR Elshiliginde ekinshi jáne birinshi hatshy qyzmetinde jumys istedi.
2018-2019 jyldary QR SIM baspasóz qyzmetin basqaryp, 2019-2023 jyldar aralyǵynda QR SIM Halyqaralyq aqparat komiteti tóraǵasynyń orynbasary – baspasóz hatshysy laýazymyn atqardy.
2023 jylǵy maýsymnan bastap QR SIM Kommýnikatsiialar departamentiniń direktory – Resmi ókili boldy.
2025 jyldyń 4 naýryzynda QR SIM Halyqaralyq aqparat komitetiniń tóraǵasy — Resmi ókil bolyp taǵaiyndaldy.
Buǵan deiin Aibek Smadiiarov Syrtqy ister ministrliginiń Resmi ókili qyzmetinen ketken bolatyn.
