Eki-úsh kúnnen beri "Altyn dombyra" tóńiregindegi daý tolastar emes. Eki jaqty da túsinýge bolady. Men de eki ottyń arasynda ekiudai sezimde qaldym. Muxtarjannyń dombyrany alǵanyna qanshalyqty qýansam, Aqbókenimniń almaǵanyna sonshalyqty qynjyldym.
Áleýmettik jelide Muxtardyń atyna qanshama áńgimeler aitylyp jatyr, jol shynymen de Bolatbektiki edi, biraq Muxtarda kiná joq qoi. Muxtarǵa jaqsylyq jasaimyn degen keibir qazylar, kerisinshe kórermen jurtty oǵan qarsy qoiyp qiianat jasap qoiǵan siiaqty.
Muxtar da, Bolatbek te meniń eń jaqyn aralasatyn, týǵanymdai bolyp ketken baýyrlarym. Ekeýi de pendeshilikten joǵary turǵan azamattar. Aqyn degen bir aýyz jyly sózge marqaiyp qalatyn, bir aýyz sýyq sózge júregi aýyratyn jandar ǵoi. Sondyqtan da eki dúldúlimizdiń arasyna kirbiń túsirip, jandaryn jaralap almaiyqshy, aǵaiyn!
Qazirgi aitysta shappa-shap kelgende, sýyryp-salmalyqta Muxtardyń aldyna túsetin, jyrynyń kórkemdigi jaǵynan Aqbókennen ozatyn aqyn joq. Ekeýi de basy men bolyp, aitys aqyndary tarapynan moiyndalyp qoiǵan. Eldi birlikke shaqyratyn "Altyn dombyra" aitysy osylaisha el arasyna iritki salatyn bolsa, endi ótkizbei-aq qoiý kerek shyǵar.
Aibek Qalievtiń feisbýktegi paraqshasynan
