Foto: gov.kz
Qazaqstan Respýblikasy Úkimetiniń qaýlysymen Aibat Bolatuly Iliiasov basqa jumysqa aýysýyna bailanysty oqý-aǵartý vitse-ministri qyzmetinen bosatyldy, - dep habarlaidy "Ult aqparat" primeminister.kz saityna silteme jasap.
Aibat Iliiasov 1982 jyly Qaraǵandyda dúniege kelgen. Qaraǵandy memlekettik ýniversitetin jáne Qaztutynýodaǵy Qaraǵandy ýniversitetin bitirgen.
Eńbek jolyn 2004 jyly Qazaq gýmanitarlyq zań ýniversitetinde oqý-qosalqy personal operatory bolyp bastaǵan.
2006-2007 jyldary — «Ulttyq aqparattyq tehnologiialar» AQ aǵa injener-elektronigi, bas maman.
2008-2009 jyldary — Aqparattandyrý jáne bailanys agenttiginiń Telekommýnikatsiia salasyndaǵy tehnikalyq súiemeldeý jáne taldaý ortalyǵynda bas maman.
2009 jyldan 2012 jylǵa deiin — QR Joǵarǵy soty qurylymdarynda bas keńesshi, sektor meńgerýshisi, QR Ádilet ministrliginiń Aqparattandyrý jáne aqparattyq resýrstardy qorǵaý basqarmasynyń bas sarapshysy.
2013-2022 jyldary — QR Ádilet ministrliginiń Aqparattandyrý jáne aqparattyq resýrstardy qorǵaý basqarmasynyń basshysy, Tsifrlandyrý jáne memlekettik qyzmetterdi avtomattandyrý departamentiniń direktory.
2022 jyldan bastap qazirgi ýaqytqa deiin QR bilim jáne ǵylym vitse-ministri bolyp qyzmet etti.
