Almatyda Aiajan Edilovany aiýandyqpen óltirdi dep aiyptalyp otyrǵan 28 jastaǵy túrkistandyq ózine taǵylǵan aiyptarmen ishinara kelispei otyr.
Sot otyrysynda aiyptalýshy órimdei qyzdy óltirgenin moiyndaǵan. Biraq zorlyq kórsetkenin teriske shyǵaryp álek, dep habarlady Sputnik agenttigi "Astana" arnasyna silteme jasap.
Osy kóktemde is-túzsiz joǵalyp, keiin bólshektelgen denesi tabylǵan Aiajannyń oqiǵasy estigen eldiń jaǵasyn ustatqan edi. Jantúrshigerlik qylmysqa qatysty búgin ekinshi sot otyrysy ótti. Zorlaý deregi bolǵandyqtan protsess jabyq rejimde, onlain formatta boldy. Bes kýágerden jaýap alyndy. Olar marqumnyń eki týysy men tanystary.
Jábirlenýshi taraptyń zańdy ókiliniń aitýynsha, aiyptalýshy kinásin tolyq moiyndamaǵan.
"Sottalýshy Tórebekov adam óltirgenin moiyndap, zorlaǵanyn joqqa shyǵaryp otyr. Endi qyzdyń zorlanǵanyn dáleldeý úshin jumys isteimiz", - deidi jábirlenýshi taraptyń zańdy ókili Qadyrjan Ǵalymjanuly.
Jábirlenýshiler qylmys jasaǵan adamdy ómir boiyna bas bostandyǵynan aiyrý qajet degen pikirde. Onyń aiybyn dáleldeý úshin barlyq dáiekti usynamyz deidi.
Atyshýly is 30 tomnan turady. Protsesti sýdia Erkin Maishynov qaraýda.
Esterińizge salsaq, qandy qylmys biyl naýryz aiynda boldy. Jumystan shyǵyp, is-túzsiz joǵalǵan Aiajannyń denesi Nurkent yqshamaýdanyndaǵy páterden tabylǵan edi.
Aiyptalýshy 28 jastaǵy Túrkistan oblysynyń týmasy. Buryn-sońdy sottalmaǵan. Onyń mundai qadamǵa ne úshin barǵany ázirge belgisiz. Kelesi sot otyrysy 9 jeltoqsanǵa ótedi.
