«Qazgidromet» RMQ 17–18 qańtarǵa arnalǵan aýa raiy boljamyn jariialady, dep habarlaidy Ult.kz.
Sinoptikterdiń boljamyna sai, demalys kúnderi Sibir aýmaǵynda ornalasqan ortalyǵy bar keń aýqymdy antitsiklon Qazaqstannyń soltústik jáne shyǵys óńirlerinde aiazdy aýa raiyn saqtap turady.
Al respýblikanyń batysy men ońtústiginde aýa raiyna ońtústik tsiklon jáne onymen bailanysty atmosferalyq fronttyq bólikter áser etedi.
— Bul óńirlerde jaýyn-shashyn (negizinen qar túrinde), jaiaý burqasyn, jeldiń daýyldy deńgeige deiin kúsheiýi, sondai-aq kóktaiǵaq qubylystary túrindegi qolaisyz meteorologiialyq jaǵdailar kútiledi, — delingen habarlamada.
17–18 qańtarda Túrkistan, Jambyl jáne Almaty oblystarynyń jekelegen aýdandarynda qatty jaýyn-shashyn boljanady.
Jańa aptanyń basynda respýblikanyń soltústigine, soltústik-batysyna jáne ortalyǵyna kezekti soltústik-batys tsiklon yǵysyp, qar men burqasyn ákeledi, sondai-aq atalǵan óńirlerde aýa temperatýrasynyń birtindep joǵarylaýy kútiledi. Respýblika boiynsha tuman túsedi dep boljanady.
