Úkimettik emes uiymdardy tirkeý merziminiń qysqarýy azamattyq qoǵamnyń damýyna oń áser etip otyr. Qazaqstannyń H Azamattyq forýmynyń ashylýynda sóz sóilegen Aqparat jáne qoǵamdyq damý ministri Aida Balaeva osy oiyn rastaityn derekterdi keltirdi, dep habarlaidy QazAqparat.
«Azamattyq qoǵamdy qalyptastyrýdyń daiyn retseptin adam joq shyǵar. Biraq, biliktiń mindeti qashan da bireý – azamattyq qoǵamnyń damýy úshin barynsha qolaily orta qurý. Úkimettik emes uiymdy ashyp, tirkeý merzimi 7-10 kúnge qysqartylǵanyn sonyń aiqyn belgisi deýge bolatyn shyǵar. Jyl saiyn eldegi «úshinshi sektordyń» qatary orta eseppen 150 jańa qatysýshymen nemese aiyna 12-13 úkimettik emes uiymmen tolyǵady», - dedi ministr.
Vedomstvo basshysynyń sózine qaraǵanda, eldegi azamattyq qoǵamnyń damýyna yqpal etetin orta 2003 jyldan bastap qalyptasqan.
«Sodan beri Azamattyq forým turaqty túrde ótkizilip keledi jáne úkimettik emes sektor men jalpy áleýmettik salany damytýdyń eń ózekti máselelerin ár joly tiimdi sheship keledi. Osy jyldar ishinde Azamattyq forým alańdarynda 500-den astam usynys ázirlenip, memlekettik organdar iske asyrýǵa mindetteldi. Osynyń arqasynda, búkil TMD keńistiginde úkimettik emes sektor salasyndaǵy eń ilgeri zańnamalyq jáne ádistemelik bazalardyń birin jasaqtai aldyq», - dedi ministr.
