Foto: AvtoVAZ
Qaýipsizdik júiesindegi aqaýlarǵa bailanysty 23 000-ǵa jýyq Niva jol talǵamaityn kólikter keri qaitarylyp jatyr. Bul týraly Reseidiń Tehnikalyq retteý jáne metrologiia federaldyq agenttigi (Rosstandart) habarlady. Bul týraly Informburo.kz-ke silteme jasap Ult.kz habarlaidy.
2021 jyldyń qazanynan 2023 jyldyń qarashasyna deiin satylǵan 14 024 Lada Niva Travel kóligi keri qaitarylýǵa jatady. Rosstandart keri shaqyrtýǵa Era-GLONASS jedel áreket etý júiesin basqarý blogynyń (SVEOS) bolmaýy sebep bolǵanyn habarlady.
Sonymen qatar, AvtoVAZ 2021 jyldyń 31 qazanynan 2024 jyldyń 2 mamyryna deiin satylǵan taǵy 8 912 Lada Niva Legend kóligin keri qaitaryp alady.
Shaqyryp alý sebebi: apatqa qarsy áreket etý júiesiniń basqarý blogynyń (SVEOS) jáne qaýipsizdik jastyǵy júiesiniń basqarý blogynyń bolmaýy.
AvtoVAZ óndirýshisiniń ókilderi qaitaryp alýǵa jatatyn kólikterdiń ielerimen elektrondyq poshta nemese telefon arqyly bailanysatyny habarlandy. Kólikterdi jóndeý úshin jaqyn jerdegi dilerge jetkizý kerek.
Sonymen qatar, ieleri ýákiletti dilerdiń habarlamasyn kútpei-aq, óz kóliginiń keri qaitarylýǵa jatatynyn nemese jatpaitynyn ózdiginshe anyqtai alady. Ol úshin Rosstandart veb-saityndaǵy izdeýdi paidalanýǵa bolady. Barlyq jóndeý jumystary ieleri úshin tegin júrgiziledi, delingen habarlamada.
