Jyl basynan beri avtomobil joldary salasynda 130-dan astam memlekettik qyzmet kórsetildi, dep habarlaidy "Ult aqparat" Indýstriia jáne infraqurylymdyq damý ministrligine silteme jasap.
2020 jyldyń qańtarynan beri «QazAvtoJol» UK» AQ oblystyq filialdary «Elektrondy úkimet» veb-portaly arqyly 134 memlekettik qyzmetti kórsetti.
Dálirek aitqanda, «Syrtqy jarnama obektilerin halyqaralyq, respýblikalyq, oblystyq jáne aýdandyq mańyzy bar jalpyǵa ortaq paidalanylatyn avtomobil joldarynyń bólingen beldeýinde ornalastyrýǵa ruqsat berý qujatyn tapsyrý» tarmaǵy boiynsha 37 qyzmet kórsetilgen.
Halyqaralyq jáne respýblikalyq mańyzy bar avtojoldar arnalarmen, bailanys jáne elektr qýatyn berý júielerimen, munai qubyrlarymen jáne temir joldarmen, basqa da injenerlik jelilermen jáne kommýnikatsiialarmen qiylysýyna ruqsat beretin memlekettik qyzmet 56 ret usynylǵan. Budan bólek, «Kirme joldardy jáne jalpyǵa ortaq paidalanylatyn joldarǵa jalǵasatyn joldardy salýǵa kelisý» tarmaǵy boiynsha 41 memlekettik qyzmet kórsetildi.
Qazaqstanda tótenshe jaǵdaidyń jariialanýyna bailanysty avtomobil joldary salasyndaǵy memlekettik qyzmetterdi kórsetý shtattyq tártipke sai júzege asyrylyp jatqandyǵyn aita ketý kerek.
Eske salaiyq, ótken jyly «QazAvtoJol» UK» AQ 906 memlekettik qyzmet kórsetken bolatyn.
